లక్ష్మీ రాయ్.. ఈ పేరుకు పెద్దగా పరిచయం అక్కర్లేదు.. కెరీర్ మొదట్లో హీరోయిన్ గా ఎంట్రీ ఇచ్చింది. కొన్ని సినిమాల్లో నటించింది. కానీ ఏ సినిమా కూడా అమ్మడుకు అంత పాపులారిటీని అందించలేదు. దాంతో ఐటెం సాంగ్స్ చేస్తూ వచ్చింది.ఆ సాంగ్స్ అన్ని సూపర్ హిట్ టాక్ ను అందుకున్నాయి. కాంచనమాల కేబుల్ టీవీ' చిత్రంతో టాలీవుడ్‌కి పరిచయమైంది హీరోయిన్ లక్ష్మీ రాయ్. ఆ తర్వాత తమిళం, మలయాళం, కన్నడలో పలు సినిమాల్లో హీరోయిన్‌గా చేసిన ఈ బ్యూటీ ఆ తర్వాత బాలీవుడ్‌కి వెళ్లిపోయింది. అక్కడ ఐటెం సాంగ్స్‌తో గుర్తింపు తెచ్చుకున్న లక్ష్మీ రాయ్ ఇప్పుడు సౌత్‌లో పలు సినిమాల్లో స్పెషల్ సాంగ్స్ చేస్తుంది.మొదట్లో ఆశించిన విజయాలు దక్కకపోవడంతో జాతక రీత్యా తన పేరును రాయ్ లక్ష్మిగా మార్చుకుంది. ఈ పేరుతో తమిళంలో రీ ఎంట్రీ ఇచ్చి అక్కడ పలు విజయవంతమైన చిత్రాల్లో మెరిసింది. పలు సినిమాల్లో తన అందచందాలను ఆరబోసింది. ఆమె నటించిన పలు సినిమాలు తెలుగులోకి కూడా అనువాదమై మంచి విజయాలు సాధించాయి. అయితే హీరోయిన్ గానే కాదు .. ప్రతినాయికగా నటించి కూడా ప్రేక్షకులకు దగ్గర కావొచ్చు అని అంటోంది రాయ్‌లక్ష్మీ.తెలుగులో బాలయ్య, చిరు, పవన్‌ల సరసన నటించి ప్రత్యేక గుర్తింపు తెచ్చుకుంది. తాజాగా ఈ భామ మళ్లీ తెలుగు సినిమాలపై దృష్టి సారించినట్టు సమాచారం. ఖైదీ నెం 150 వంటి చిత్రాల్లో స్పెషల్ సాంగ్స్‌తో సెగలు రేపింది లక్ష్మీ రాయ్. ఇక మెగాస్టార్ రీ ఎంట్రీ తో వచ్చిన ఈ సినిమాలో రాత్తాలు..రాత్తాలు అంటూ ప్రేక్షకుల చేత చిందులు వేయించింది.ఈ పాట ఆ టైమ్‌లో ఓఊపు ఊపేసింది..రాయ్‌లక్ష్మిది ఫిగర్ హీరోల సరసన చేస్తే వారిని డామినేట్‌ చేసేలా ఉంటుంది. ఈ అమ్ముడును హీరోయిన్‌గా తీసుకోకపోవడానికి అది ఓ కారణం కావచ్చేమో.ఇదిలావుండగా ఏడాది సినిమాల్లో ఎక్కువగా కనిపించలేదు.. కన్నడ, తమిళం, మలయాళ సినిమాల్లో ఆఫర్లు అందుకుని అక్కడ బిజీ అయిపోయింది.ఓ వైపు ఐటెమ్‌ సాంగ్‌లు, మరోవైపు సినిమాల్లో కీలక పాత్రలు చేసుకుంటూ కెరీర్ని లాక్కొస్తుంది.ఏది ఏమైనా ఇండస్ట్రీలో ఇన్నేళ్లైన ఇప్పటికీ అదే సోయగంతో అభిమానులను మత్తెక్కిస్తోంది. అంతేకాదు త్వరలో మంచి పాత్రలు వస్తే తెలుగులో చేయడానికి తనకు ఎలాంటి మెహమాటం లేదని చెబుతోంది. ప్రస్తుతం సరైన అవకాశాలు లేకపోవడంలో త్వరలో పెళ్లి చేసుకోబోతున్నట్టు వార్తలు వస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి