ఎంత స్నేహంగా ఉన్నా ఈ విషయంలో రాజీ పడేందుకు ఎంత మాత్రం ఒప్పుకోడు. స్టార్ హీరోలు క్వాలిటీ విషయంలో పక్కాగా ఉంటారు. సరిలేరు నీకెవ్వ‌రు మ్యూజిక్ విషయంలో మహేష్ బాబు.. దేవిశ్రీ మీద అసంతృప్తి వ్యక్తం చేసిన మాట ఇండస్ట్రీలో గట్టిగా వినిపించింది. అలాగే సర్కారు వారి పాట ఆల్బమ్ మహేష్‌ను ఎంత మాత్రం మెప్పించలేదని అన్నారు. అయితే త్రివిక్రమ్ పట్టు పట్టడంతో గుంటూరు కారం సినిమాకు మళ్ళీ థ‌మ‌న్‌నే తీసుకున్నారు. అయితే క్వాలిటీ విషయంలో మహేష్ కన్నా రెండు మూడు ఇంతలు బన్నీ ఎక్కువే ఉంటాడు. అస్సలు రాజీపడరు. ఉదాహరణకు గీతా సంస్థ, బన్నీ కలిపి సరైనోడు సినిమా స్క్రిప్ట్ విషయంలో బోయపాటితో పదేపదే రాయించార‌ని కథలుగా వినిపించింది.
అందుకే సరైనోడు గట్టెక్కి హిట్ అయింది. అదే బోయపాటి.. రామ్ చరణ్, రామ్‌తో ఎలాంటి సినిమాలు ఇచ్చాడో అందరం చూశాం. అయితే ఇప్పుడు దేవిశ్రీకి కూడా సినిమాలకు సంగీతం కంటే.. ఎగ‌స్ట్రా కార్యక్రమాలు, షోలు, లైవ్ షోలు ఎక్కువగా పెట్టుకుంటున్నారు. సహజంగానే ఇది పుష్ప 2 సినిమా వర్క్‌పై ప్రభావం చూపించింది అంటున్నారు. ఏది ఏమైనా బన్నీకి వర్క్ విషయంలో అంత సంతృప్తి లేదు. అందుకే ఇప్పుడు పుష్ప 2 బ్యాక్ గ్రౌండ్ స్కోర్ వర్క్ ముక్కలు ముక్కలుగా జ‌రుగుతుందట. థ‌మన్‌కు మరో మ్యూజిక్ డైరెక్టర్ కు కూడా అప్పగించారని వార్తలు వినిపిస్తున్నాయి. బుచ్చిబాబు సైతం తన రెండో సినిమాకు రెహమాన్ ని తీసుకున్నారు. ఏది ఏమైనా బన్నీకి కోపం వస్తే ఎలా ఉంటుందో బాగా చూపించాడ‌న్న గుసగుసలు ఇండస్ట్రీలో వినిపిస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి