తెలుగు సినీ ఇండస్ట్రీకి యంగ్ హీరోయిన్స్ ఎంట్రీ ఇవ్వడంతో ఈ అమ్మడు క్రేజ్ కాస్త తగ్గుముఖం పట్టింది. అయితే త్రిష ఈ మధ్యకాలంలో మళ్లీ సినిమాల్లో నటిస్తూ ఫుల్ బిజీగా మారిపోయింది. పోన్నియిన్ సెల్వన్ సినిమాలో తన అంద చందాలతో తెలుగు ప్రేక్షకులను కట్టిపడేసింది. తమిళ స్టార్ హీరో విజయ్, లోకేష్ కనకరాజ్ కాంబినేషన్ లో తెరకెక్కిన లియో సినిమాలోను త్రిష హీరోయిన్ గా నటించింది.
ఈ సినిమా సక్సెస్ అవడంతో త్రిష హవా పెరిగిపోయింది. ప్రస్తుతం త్రిష చేతి నిండా సినిమాలతో ఫుల్ బిజీగా మారిపోయింది. సౌత్ ఇండస్ట్రీలో స్టార్ హీరోలుగా ఓ వెలుగు వెలుగుతున్న చిరంజీవి, అజిత్, విజయ్, కమల్, మోహన్లాల్ సినిమాల్లో నటిస్తూ త్రిష బిజీగా మారిపోయింది. ఇటీవల త్రిష.... హీరో విజయ్ చేసిన సినిమాలో ఐటమ్ సాంగ్ లో నటించింది. మరో సినిమాలో కూడా ఐటమ్ సాంగ్ లో నటించనుందట.
అది కూడా తెలుగులో అని సమాచారం అందుతుంది. ప్రభాస్ హీరోగా నటిస్తున్న సినిమాలో త్రిష ఐటమ్ సాంగ్ చేయనుందట. ఈ బ్యూటీ ఐటమ్ సాంగ్ లో నటించి తెలుగు ప్రేక్షకులను అలరించనుందని తెలిసి త్రిష అభిమానులు సంబరపడుతున్నారు. ప్రభాస్ చేయబోయే స్పిరిట్ సినిమాలోనే త్రిష ఐటమ్ సాంగ్ ఉండనుందట. కాగా ప్రభాస్ ,సౌతిండియా స్టార్ హీరోయిన్ త్రిష కృష్ణన్‌ కాంబో లో వర్షం, పౌర్ణమి లాంటి సినిమాలు వచ్చిన సంగతి తెలిసిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి