రీ రిలీజ్ కి కూడా అది కంపల్సరీనా.. లేకుంటే కలెక్షన్స్ నిల్..?
ఈ మధ్యకాలంలో టాలీవుడ్ ఇండస్ట్రీలో రీ రిలీజ్ ల సంఖ్య భారీగా పెరిగిపోయింది. రీ రిలీజ్ ల ట్రెండ్ మొదలయ్యాక విడుదల అయిన చాలా సినిమాలు అద్భుతమైన కలక్షన్లను రాబట్టాయి. దానితో చాలా సినిమాలను ఈ మధ్య రీ రిలీజ్ చేస్తున్నారు. కానీ అలా రీ రిలీజ్ అయిన ప్రతి సినిమాకు పెద్ద మొత్తంలో కలెక్షన్లు పెద్దగా రావడం లేదు. కొన్ని సినిమాలకు మాత్రమే అద్భుతమైన కలెక్షన్లు దక్కుతున్నాయి. మరి ఎలాంటి సినిమాలు అద్భుతమైన కలెక్షన్లు దక్కుతున్నాయి అనే అంశాల గురించి తెలుసుకుందాం.
ఇక ఈ మధ్య కాలంలో ఏదైనా స్టార్ హీరో పుట్టిన రోజు వచ్చింది అంటే చాలు ఆ హీరోకు సంబంధించిన అనేక సినిమాలను రీ రిలీజ్ చేస్తూ వస్తున్నారు. అలాగే బాక్స్ ఆఫీస్ దగ్గర బ్లాక్ బస్టర్ విజయాలను సొంతం చేసుకున్న సినిమాలను కూడా రీ రిలీజ్ చేస్తూ వస్తున్నారు. ఇలా రీ రిలీజ్ లో అనేకం జరుగుతున్న అందులో కొన్ని సినిమాలు మాత్రమే అద్భుతమైన కలెక్షన్లను రాబడుతున్నాయి. ఇక ఈ సంవత్సరం విషయానికి వస్తే సూపర్ స్టార్ మహేష్ బాబు పుట్టిన రోజు సందర్భంగా మురారి మూవీ ని రీ రిలీజ్ చేయగా దానికి అద్భుతమైన కలెక్షన్స్ వచ్చాయి.
ఇక మెగాస్టార్ చిరంజీవి పుట్టిన రోజు సందర్భంగా ఇంద్ర మూవీ ని రీ రిలీజ్ చేయగా ఆ సినిమాకు మంచి కలెక్షన్స్ వచ్చాయి. ఇక ఈ సంవత్సరంలో అనేక సినిమాలు రీ రిలీజ్ అయిన వాటికి మాత్రం పెద్ద స్థాయిలో కలెక్షన్లు రాలేదు. దీనికి ప్రధాన కారణం ... సినిమా రి రిలీజ్ కి ముందు పెద్ద స్థాయిలో ప్రచారాలను చేసి విడుదల గురించి నిర్మాతలు చాలా పెద్ద మొత్తంలో ప్రణాళికలను వేసి అప్పుడు మూవీని థియేటర్లలోకి వదిలిన సినిమాలకు మంచి కలెక్షన్లు వచ్చాయి. కానీ ఎలాంటి హడావిడి లేకుండా సినిమాను రీ రిలీజ్ చేస్తే కలెక్షన్లు రావడం లేదు.