కోలీవుడ్ ఇండస్ట్రీ తమిళ ‘బాహుబలి’ గా భారీ అంచనాలు పెట్టుకున్న ‘కంగువ’ ఈనెల 14న విడుదలకాబోతున్న పరిస్థితులలో ఈమూవీ పై అంచనాలు ఆకాశాన్ని అంటుతున్నాయి. సూర్య ఈమూవీ కోసం రెండు సంవత్సరాలు కష్టపడిన నేపద్యంలో ఈమూవీతో అతడు పాన్ ఇండియా హీరోగా మారాలని చాల ఆశపడుతున్నాడు.
దీనికితోడు ఈమూవీని దక్షిణాది భాషలతో పాటు హిందీలో కూడ విడుదలచేస్తున్న పరిస్థితులలో ఈమూవీ ఖచ్చితంగా 1000 కోట్ల గ్రాస్ కలెక్ట్ చేస్తుందని సూర్య అభిమానులు అంచనాలు వస్తున్నారు. దీనికి తగ్గట్టుగానే ఈమూవీ ప్రమోషన్ ను దేశవ్యాప్తంగా భారీ స్థాయిలో చేస్తున్నారు. ఇలాంటి పరిస్థితులలో ఈమూవీకి పోటీగా మరో సినిమా విడుదల లేకుండా జాగ్రత్తలు తీసుకుంటున్న విషయం తెలిసిందే.
అయితే ఈ మ్యానియాను లెక్కచేయకుండా ఇప్పటికే వరుణ్ తేజ్ ‘మట్కా’ మూవీ విడుదల అవ్వడం సంచలనంగా మారింది. వరస ఫ్లాప్ లతో సతమతమైపోతున్న వరుణ్ తేజ్ ఏధైర్యంతో సూర్య ‘కంగువ’ తో పోటీ పడుతున్నాడు అంటూ కొందరు ఆశ్చర్యపోతున్న విషయం తెలిసిందే. ఇప్పుడు ఇది చాలదు అన్నట్లుగా మహేష్ బాబు మేనల్లుడు గల్లా అశోక్ మూవీ దేవకీ నందన వాసుదేవ కూడ ‘కంగువ’ విడుదల తేదీ రోజున విడుదల కాబోతు ఉండటం చాలామందిని ఆశ్చర్య పరుస్తోంది.
ఇప్పటివరకు గల్లా అశోక్ హీరోగా కనీస స్థాయిలో కూడ ప్రేక్షకులలో గుర్తింపు పొందలేదు. అలాంటి యంగ్ హీరో ఒకవైపు సూర్యతో మరొక వైపు వరుణ్ తేజ్ తో పోటీ పడటం ఏమిటి అంటూ మరికొందరు షాక్ అవుతున్నారు. ఈమూవీకి కథను ప్రశాంత్ వర్మ ఇస్తే బోయపాటి శ్రీను దగ్గర సహాయకుడుగా పనిచేసిన అర్జున్ జంధ్యాల దర్శకత్వం వహిస్తున్నారు. ఫాంటసీ ఎలిమెంట్ తో పాటు కుటుంబం మొత్తం చూసే అన్ని సెంటిమెంట్స్ ఈమూవీ కథలో ఉన్నాయి అంటున్నారు. అయితే మహేష్ తన మేనల్లుడి కోసం ఈమూవీ ప్రమోషన్ లో భాగం పంచుకుంటే ఈమూవీ పై కూడ అంచనాలు పెరిగే ఆస్కారం ఉంది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి