ఏఎన్నార్, నాగార్జున కాంబినేషన్ లో తెరకెక్కిన శ్రీ రామదాసు మూవీ 2006 సంవత్సరం మార్చి నెల 30వ తేదీన థియేటర్లలో బ్లాక్ బస్టర్ హిట్ గా నిలిచింది. ఏఎన్నార్, నాగ్ కాంబోలో కొన్ని సినిమాలు తెరకెక్కగా ఇద్దరూ ఇద్దరే సినిమా ఫ్లాపైన తర్వాత ఏఎన్నార్ తో కలిసి మరో సినిమాలో నటించనని కొన్ని విమర్శల వల్ల నాగ్ కామెంట్ చేశారు. అయితే శ్రీరామదాసు సినిమాలో కలిసి నటించడంతో పాటు బ్లాక్ బస్టర్ హిట్ సాధించి నాగార్జున విమర్శకుల నోళ్లు మూయించారు.
శ్రీరామదాసు సినిమాలో కథ, కథనం ప్రేక్షకులను కట్టిపడేసేలా ఉండటంతో పాటు సినిమాలోని ఫస్ట్ సీన్ నుంచి లాస్ట్ సీన్ వరకు ప్రతి సీన్ ప్రేక్షకులను అంచనాలను మించి మెప్పించింది. ఈ సినిమాలోని కొన్ని సన్నివేశాల్లో నాగ్ నటన న భూతో న భవిష్యత్ అనేలా ఉంటుంది. ఈ సినిమాలో స్నేహ సైతం తన పాత్రకు న్యాయం చేశారు. కీరవాణి మ్యూజిక్ ఈ సినిమా సక్సెస్ లో కీలక పాత్ర పోషించింది.
రాఘవేంద్రరావు ఈ సినిమాతో మరో భారీ విజయాన్ని అందుకున్నారు. నాగార్జున తన సినీ కెరీర్ లో చేసిన స్థాయిలో ప్రయోగాలు మరెవరూ చేయరనే చెప్పాలి. నాగార్జున వయస్సు ప్రస్తుతం 65 సంవత్సరాలు కాగా ఈ వయస్సులో సైతం లుక్స్ పరంగా అదరగొట్టారు. శ్రీరామనవమి పండగ సమయంలో తెలుగు రాష్ట్రాల్లో శ్రీ రామదాసు పాటలు మారుమ్రోగుతాయని చెప్పడంలో సందేహం అవసరం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి