మలయాళ నటుడు దుల్కర్ సల్మాన్ ఈ మధ్య కాలంలో వరుస విజయాలను తెలుగులో అందుకుంటున్న విషయం మన అందరికీ తెలిసిందే. మొదటగా దుల్కర్ సల్మాన్ తెలుగులో నాగ్ అశ్విన్ దర్శకత్వంలో రూపొందిన మహానటి సినిమాలో నటించాడు. ఈ మూవీ మంచి విజయం సాధించడం , ఇందులో ఈయనకు మంచి పాత్ర లభించడంతో ఈ సినిమా ద్వారా దుల్కర్ సల్మాన్ కి తెలుగు సినీ పరిశ్రమలో మంచి గుర్తింపు ఏర్పడింది. ఆ తర్వాత ఈయన హను రాఘవపూడి దర్శకత్వంలో రూపొందిన సీత రామం అనే సినిమాలో హీరోగా నటించాడు.

ఈ మూవీ బ్లాక్ బస్టర్ విజయం అందుకోవడంతో తెలుగు ఇండస్ట్రీలో ఈయన క్రేజ్ చాలా వరకు పెరిగింది. ఇకపోతే తాజాగా ఈ నటుడు టాలీవుడ్ దర్శకుడు అయినటువంటి వెంకీ అట్లూరి దర్శకత్వంలో లక్కీ భాస్కర్ అనే తెలుగు సినిమాలో హీరోగా నటించాడు. మీనాక్షి చౌదరి ఈ మూవీ లో హీరోయిన్గా నటించగా ... సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని నిర్మించాడు. జీ వీ ప్రకాష్ కుమార్ ఈ సినిమాకు సంగీతం అందించాడు. ఈ సంవత్సరం అక్టోబర్ 31 వ తేదీన భారీ అంచనాల నడుమ విడుదల అయిన ఈ సినిమాకు మొదటి రోజు మొదటి షో కే సూపర్ సాలిడ్ పాజిటివ్ టాక్ వచ్చింది. దానితో ఈ మూవీ ఇప్పటికే ప్రపంచ వ్యాప్తంగా 75 కోట్ల మేర కలెక్షన్లను వసూలు చేసినట్లు తెలుస్తుంది.

ఇక ఇప్పటికీ కూడా ఈ సినిమా సూపర్ సాలిడ్ హోల్డ్ ను కనబరుస్తూ రావడంతో ఈ మూవీ 100 కోట్ల కలెక్షన్లను వసూలు చేసే అవకాశాలు చాలా వరకు ఉన్నాయి అని అనేక మంది అభిప్రాయ పడుతున్నారు. ఇలా దుల్కర్ సల్మాన్ ఈ సినిమాతో 100 కోట్ల కలెక్షన్లను రాబడితే టాలీవుడ్ హీరోలకు కూడా ఇది పెద్ద టార్గెట్ అవుతుంది అని కొంత మంది తమ వాదనను వినిపిస్తున్నారు. మరి లక్కీ భాస్కర్ మూవీ ఫైనల్ బాక్స్ ఆఫీస్ రన్ కంప్లీట్ అయ్యే వరకు ఏ స్థాయి కలెక్షన్లను వసూలు చేస్తుందో తెలియాలి అంటే మరి కొన్ని రోజులు వేచి చూడాల్సిందే.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Dulkar

Pulgam Srinivas

09/11/2024 01:58 PM