అలాగే రీసెంట్ గా సలార్ 2 షూటింగ్ కూడా మొదలు పెడతార‌నే టాక్ కూడా వినిపిస్తుంది. అదేవిధంగా హను రాఘవపూడి డైరెక్షన్లో వస్తున్న పౌజి షూటింగ్ కూడా జరుగుతుంది. వచ్చే సంక్రాంతి తర్వాత ఈ సినిమా షూటింగ్లో జాయిన్ అవుతాడని టాక్ కూడా వినిపిస్తుంది. ఒకేసారి మూడూ సినిమాలను షూటింగ్ దశలో ఉండగానే సందీప్ రెడ్డి వంగ దర్శకత్వంలో స్పిరిట్ మూవీ షూటింగ్ కూడా ప్రభాస్ మొదలు పెట్టబోతున్నాడు. ఇక వచ్చే డిసెంబర్లో ఈ సినిమా షూటింగ్ స్టార్ట్ అవుతుందని నిర్మాత భూషణ్ కుమార్ ఇప్పటికే ప్రకటించాడు. అలాగే ప్రభాస్ చేస్తున్న ప్రతి సినిమాలో ఎంతో వైవిధ్యమైన లుక్కు తో పాటు డిఫరెంట్ బాడీ షేప్ లతో కనిపించాల్సి ఉంటుంది. అయినా కూడా ఇవన్నీ సినిమాల షూటింగ్ ఒకేసారి ఎలా హ్యాండిల్ చేస్తున్నాడు అన్న ప్రశ్న అందరిలో కలుగుతుంది. ప్రభాస్ తరహాలోనే మీడియం రేంజ్ హీరోలలో నేచురల్ స్టార్ నాని కూడా ఎక్కువ గ్యాప్ తీసుకోకుండా వ‌రుస సినిమాలు చేస్తున్నాడు .
అలాగే రెండు , మూడు సినిమాలు లైన్ అప్ లో పెట్టుకున్నాడు. ప్రస్తుతం నాని హిట్ 3 మూవీ షూటింగ్ లో ఉన్నాడు. ఇది పూర్తి చేసిన వెంటనే శ్రీకాంత్ ఓదేల దర్శకత్వంలో ఓ సినిమాని పట్టాలెక్కిస్తాడు . ఇక దాని తర్వాత సుజిత్ దర్శకత్వంలో మరో మూవీ సిద్ధంగా ఉంది . వీటి మధ్యలో శివ నిర్వాణ దర్శకత్వంలో ఒక సినిమా కంప్లీట్ చేయడానికి ప్లాన్ చేస్తున్న‌ట్లు టాక్ వినిపిస్తోంది. ఇలా స్ట్రాంగ్ లైన్ అప్ సెట్ చేసుకొని ఏడాదికి ఒక సినిమాని నాని కూడా ప్రేక్షకుల ముందుకి తీసుకొచ్చే ప్రయత్నం చేస్తున్నారు. ఈ నేపథ్యంలో మిగిలిన స్టార్స్ కి సాధ్యం కానిది పెద్ద హీరోలలో ప్రభాస్, మీడియం రేంజ్ లో నానికి ఏడాదికి ఒక సినిమా అందించడం ఎలా సాధ్యం అవుతుందని అందరూ మాట్లాడుకుంటున్నారు. ఇక వీరిని చూసి మిగిలిన స్టార్స్ అందరూ త‌మ మూవీస్ ప్లానింగ్ చేసుకోవాలనే కామెంట్స్ కూడా సోషల్ మీడియాలో వ‌స్తున్నాయి .
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి