మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరోగా నటించిన విషయం మన అందరికీ తెలిసిందే. కియార అద్వానీ ఈ సినిమాలో హీరోయిన్గా నటించగా ... శంకర్ ఈ మూవీ కి దర్శకత్వం వహించాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ మూవీ ని అత్యంత భారీ బడ్జెట్ తో నిర్వహించాడు. ఈ సినిమాను వచ్చే సంవత్సరం జనవరి 10 వ తేదీన విడుదల చేయనున్నారు. ఇక ఈ రోజు అనగా నవంబర్ 9 వ తేదీన ఈ సినిమాకు సంబంధించిన టీజర్ను లక్నో వేదికగా విడుదల చేయనున్నారు. ఈ మూవీ టీజర్ పై ప్రేక్షకుల్లో భారీ అంచనాలు ఉన్నాయి.

దానితో ఈ సినిమా టీజర్ సరికొత్త రికార్డులను సృష్టిస్తోంది అని రామ్ చరణ్ అభిమానులు చాలా ఆశాభావాన్ని వ్యక్తం చేస్తున్నారు. మరి నిజం గానే ఈ సినిమా టీజర్ అద్భుతంగా ఉండి పాత రికార్డులను చేరిపేయాలి అంటే ఈ సినిమా టీజర్ ముందు ఉన్న అతిపెద్ద టార్గెట్స్ ఏవో తెలుసుకుందాం. ఎక్కువ శాతం సినిమా టీజర్లు విడుదల అయ్యాయి అంటే 24 గంటల్లో ఎలాంటి రికార్డ్స్ ను సృష్టించాయి అనే దానిని ప్రామాణికంగా చూస్తూ ఉంటారు. అందులో భాగంగా 24 గంటల్లో హైయెస్ట్ వ్యూస్ ను సాధించిన సినిమా టీజర్లలో ప్రభాస్ హీరోగా రూపొందిన రాదే శ్యామ్ మూవీ టీజర్ మొదటి స్థానంలో నిలిచింది.

ఈ టీజర్ 24 గంటల సమయంలో 42.67 మిలియన్ వ్యూస్ ను అందుకొని టాప్ ప్లేస్ లో ఉంది. ఆ తర్వాత సూపర్ స్టార్ మహేష్ బాబు హీరోగా రూపొందిన సర్కారు వారి పాట మూవీ టీజర్ 24 గంటల్లో 23.06 మిలియన్ సాధించి రెండవ స్థానంలో ఉంది. ఇక లైక్స్ పరంగా 24 గంటల్లో ఆర్ ఆర్ ఆర్ మూవీ లోని ఎన్టీఆర్ ఇంట్రో టీజర్ 940.3 కే లైక్స్ తో మొదటి స్థానంలో ఉండగా , పుష్ప ఇంట్రో టీజర్ 793 లైక్స్ తో రెండవ స్థానంలో ఉంది. మరి ఈ టాప్ రికార్డులను క్రాస్ చేసి గేమ్ చేంజర్ మూవీ కొత్త రికార్డులను సృష్టిస్తుందేమో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MADDIBOINA AJAY KUMAR

09/11/2024 02:10 PM