సినిమా ఇండస్ట్రీలోకి అడుగు పెట్టి సక్సెస్ అవ్వాలని చాలామంది అనుకుంటారు. అందులో భాగంగా చాలామంది తమ కెరీర్‌ను డబ్బింగ్ సినిమాలతో మొదలు పెడతారు. సౌదామిని క్రియేషన్స్ ఫౌండర్ కె.వి. సత్యనారాయణ కూడా అలాంటి వారే. ఆయన 100 కి పైగా సూపర్ హిట్ సినిమాలను తెలుగులోకి డబ్ చేశారు, అంతేకాదు 15 కొత్త సినిమాలను నిర్మించారు. ఆయన చేసిన ఒక విశేషమైన విషయం ఏంటంటే, ఒకే సంవత్సరం విక్టరీ వెంకటేష్‌తో రెండు సినిమాలు విడుదల చేశారు. 1992 అక్టోబర్ 2న ‘సుందరకాండ’ సినిమా విడుదలైతే, 1993 జులై 3న ‘కొండపల్లి రాజా’ సినిమా విడుదలైంది. అంటే, ఈ రెండు సినిమాల మధ్య కేవలం 9 నెలల గ్యాప్ మాత్రమే ఉంది.

అయితే, ఆయన ‘కొండపల్లి రాజా’ సినిమా విడుదల చేయాలనుకున్నప్పుడు కొన్ని సమస్యలు ఎదుర్కొన్నారు. రెబల్ స్టార్ కృష్ణంరాజు ఈ సినిమా విడుదలను ఆపాలని కోర్టుకు వెళ్లారు. ఎందుకంటే, కొండపల్లి రాజా సినిమా కథ హిందీ సినిమా ‘ఖుద్‌గర్జ్’ రీమేక్ అయిన ‘అన్నమలై’ సినిమా నుంచి స్ఫూర్తి పొందింది. కృష్ణంరాజు ‘ఖుద్‌గర్జ్’ సినిమా తెలుగు రీమేక్ హక్కులను ఆల్రెడీ కొనేశారు. అందుకే, కొండపల్లి రాజా సినిమా కూడా ‘ఖుద్‌గర్జ్’ కథ ఆధారంగా తీసినదే అని ఆయన వాదించారు.

అసలు కొండపల్లి రాజా సినిమా ఎలా మొదలైందంటే, కె.వి.వి.సత్యనారాయణ రజినీకాంత్ నటించిన తమిళ సినిమా ‘అన్నమలై’ను చాలా ఇష్టపడ్డారు. అందుకే ఆ సినిమా రీమేక్ హక్కులు కొన్నారు. సుందరకాండ సినిమా చేస్తున్న సమయంలో వెంకటేష్‌ను కలిసి ఈ కథ చెప్పగా, ఆయన నటించడానికి ఒప్పుకున్నారు. ఈ సినిమాకు దర్శకుడిగా రవిరాజా పినిశెట్టిని ఎంచుకున్నారు. రవిరాజా పినిశెట్టి గతంలో వెంకటేష్‌తో ‘చంటి’ సూపర్ హిట్ సినిమా చేశారు.

కొండపల్లి రాజా సినిమా విడుదలకు సిద్ధంగా ఉన్న సమయంలో, రెబల్ స్టార్ కృష్ణంరాజు కోర్టుకు వెళ్లి ఈ సినిమా విడుదలను ఆపించారు. కోర్టు కృష్ణంరాజు వాదనను సమర్థిస్తూ, సినిమా ప్రింట్లను స్వాధీనం చేసుకుంది. ఈ కేసులో కె.వి.వి.సత్యనారాయణ జైలుకు వెళ్లే ప్రమాదం కూడా ఎదుర్కొన్నారు. ఆయన ఈ కేసు నుండి బయటపడడానికి చాలా డబ్బు ఖర్చు చేయాల్సి వచ్చింది. ఇన్ని ఇబ్బందుల తర్వాత కొండపల్లి రాజా సినిమా విడుదలై భారీ విజయం సాధించింది. కానీ, ఈ సినిమా విడుదల సమయంలో ఎదురైన చిక్కుల కారణంగా కె.వి.వి సత్యనారాయణ ఆ విజయాన్ని పూర్తిగా ఆస్వాదించలేకపోయారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

10/11/2024 09:46 AM