నందమూరి బాలకృష్ణ ప్రస్తుతం టాలీవుడ్ టాలెంటెడ్ డైరెక్టర్ బాబీ దర్శకత్వంలో ఎన్బికె 109 అనే వర్కింగ్ టైటిల్ తో రూపొందుతున్న సినిమాలో హీరోగా నటిస్తున్నాడు. ఈ సినిమాలో ఊర్వశి రౌటేలా , ప్రగ్య జైస్వాల్ , శ్రద్ధ శ్రీనాథ్ హీరోయిన్లుగా కనిపించనుండగా ... ఎస్ ఎస్ తమన్ ఈ సినిమాకు సంగీతం అందిస్తున్నాడు. సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ సినిమాను నిర్మిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు మేకర్స్ కొన్ని రోజుల క్రితమే అధికారికంగా ప్రకటించారు.

కానీ ఏ తేదీన విడుదల చేయనున్నారు అనే విషయాన్ని మాత్రం ఇప్పటివరకు ప్రకటించలేదు. ప్రస్తుతం వస్తున్న వార్తల ప్రకారం ఈ సినిమాని వచ్చే సంవత్సరం జనవరి 9 వ తేదీన గాని 12 వ తేదీన గాని విడుదల చేసే ఆలోచనలో మేకర్స్ ఉన్నట్లు ఓ వార్త వైరల్ అవుతుంది. ఇది ఇలా ఉంటే ఈ సినిమా విడుదల తేదీ దగ్గర పడుతున్న నేపథ్యంలో ఈ మూవీ బృందం త్వరలోనే ఈ సినిమా టీజర్ ను విడుదల చేసే ఆలోచనలో ఉన్నట్లు తెలుస్తోంది. ప్రస్తుతం అందుతున్న సమాచారం ప్రకారం ఈ మూవీ యొక్క టీజర్ను నవంబర్ 15 వ తేదీన విడుదల చేసే ఆలోచనలో మేకర్స్ ఉన్నట్లు , ప్రస్తుతం అందుకు సంబంధించిన పనులు ఫుల్ స్పీడ్ గా జరుగుతున్నట్లు ఓ వార్త వైరల్ అవుతుంది.

ఇది ఇలా ఉంటే ఇప్పటివరకు ఈ సినిమాకు టైటిల్ ను ఖరారు చేయలేదు. ఇక ఈ సినిమా టీజర్ లోనే టైటిల్ ను కూడా జోడించి విడుదల చేయనున్నట్లు , దానితో ఈ మూవీ టైటిల్ , టీజర్ రెండింటిని విడుదల చేసి ప్యాన్స్ ను ఫుల్ ఖుషి చేయాలి అని మూవీ యూనిట్ భావిస్తున్నట్లు తెలుస్తోంది. ప్రస్తుతానికి ఈ సినిమాపై బాలయ్య అభిమానులు అత్యంత భారీ అంచనాలు నెలకొని ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Nbk

Pulgam Srinivas

10/11/2024 11:51 AM