తెలుగులోనే కాకుండా మలయాళ, తమిళ, కన్నడ సినిమాలో నటించి విపరీతమైన ఫ్యాన్ బేస్ సంపాదించుకుంది. ఈ మధ్యకాలంలో అమ్మ, అక్క, అత్త, వదిన వంటి పాత్రలను మాత్రమే పోషిస్తుంది. కేవలం సినిమాలోనే కాకుండా సీరియల్స్ లోను నటిస్తూ ప్రేక్షకులను అలరిస్తోంది. కాగా, ఈ మధ్యకాలంలో నటి కస్తూరికి సంబంధించిన ఓ వార్త సోషల్ మీడియా మాధ్యమాల్లో తెగ వైరల్ అవుతుంది. కొన్ని రోజుల క్రితం నటి కస్తూరి తెలుగు వారిని కించపరుస్తూ అనుచిత వ్యాఖ్యలు చేశారు.
దీంతో కస్తూరిపై తెలుగు సంఘాలు పోలీస్ స్టేషన్లో కేసులు పెట్టారు. ఇటీవల చెన్నైలో జరిగిన ఓ కార్యక్రమంలో నటి కస్తూరి పాల్గొన్నారు. ఆ కార్యక్రమంలో భాగంగా మాట్లాడుతూ.... తెలుగు వారిపై వివాదాస్పద వ్యాఖ్యలు చేసింది. దాంతో అనేక రకాలుగా నటి కస్తూరిపై విమర్శలు వచ్చాయి. దీంతో ఆమె అందరికీ క్షమాపణలు చెప్పింది. తెలుగు నా మెట్టినిల్లు. తెలుగు వారందరూ నా కుటుంబం అని కస్తూరి వెల్లడించింది. అధికార పార్టీ డిఎంకె తనపై కుట్ర చేస్తున్నట్లుగా క్లారిటీ ఇచ్చింది. అయినప్పటికీ తెలుగు వారిపై ఆమె చేసిన అనుచిత వ్యాఖ్యలపై చెన్నై మధురై సహా పలు ప్రాంతాల్లో కేసులు నమోదు చేశారు.
ఈ తరుణంలోని నటి కస్తూరి ప్రస్తుతం పరారీలో ఉన్నట్లుగా వార్తలు వస్తున్నాయి. చెన్నై పోలీసులు ఆమెకు సమన్లు జారీ చేసేందుకు ఆమె ఇంటికి వెళ్లారు. కానీ అక్కడ ఆమె ఇంటికి తాళం వేసి ఉంది. అంతే కాకుండా కస్తూరి ఫోన్ కూడా స్విచ్ ఆఫ్ చేసి ఉంది. దీంతో నటి కస్తూరి ఎక్కడ ఉందనే విషయమై పోలీసులు గాలింపు చర్యలు చేపట్టారు. నటి కస్తూరి ఓ తమిళ హీరో ఇంట్లో ఉందని సమాచారం అందుతోంది. ఈ విషయంపై పోలీసులు క్లారిటీ ఇస్తే కానీ అసలు విషయం తెలియదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి