అప్పుడు ఇప్పుడు ఎప్పుడో : ఎంత దారుణం.. ఖర్చుకు వచ్చిన దానికి ఏమైనా సంబంధం ఉందా..?
తెలుగు సినీ పరిశ్రమలో మంచి క్రేజ్ కలిగిన కాంబినేషన్లో నిఖిల్ , సుధీర్ వర్మ కాంబినేషన్ ఒకటి. వీరి కాంబోలో మొదటగా స్వామి రారా అనే సినిమా వచ్చింది. ఈ మూవీ అదిరిపోయే రేంజ్ విజయాన్ని అందుకుంది. ఈ సినిమా కంటే ముందు నిఖిల్ కెరియర్ వరుస అపజయలతో డీలా పడిపోయి ఉంది. అలాంటి సమయంలో నిఖిల్ కి ఈ సినిమా విజయం అద్భుతమైన జోష్ ను తీసుకువచ్చింది. ఈ మూవీ తర్వాత ఆయన కథల ఎంపిక విధానం కూడా చాలా వరకు మారింది.
ఈ సినిమా తర్వాత ఎన్నో విజయాలను అందుకొని ప్రస్తుతం టాలీవుడ్ ఇండస్ట్రీ లో మంచి గుర్తింపు కలిగిన నటుడుగా నిఖిల్ కెరియర్ను కొనసాగిస్తున్నాడు. ఇకపోతే స్వామి రారా సినిమా తర్వాత నిఖిల్ , సుధీర్ వర్మ కాంబోలో కేశవ అనే మూవీ వచ్చింది. ఈ సినిమా మంచి అంచనాల నడుమ థియేటర్లలో విడుదల అయింది. కానీ భారీ విజయాన్ని అందుకోలేదు. ఈ సినిమాకు విమర్శకుల నుండి ప్రశంసలు దక్కాయి. ఇకపోతే తాజాగా వీరి కాంబోలో అప్పుడు ఇప్పుడు ఎప్పుడో అనే సినిమా రూపొందింది. ఈ సినిమా కొన్ని రోజుల క్రితమే థియేటర్లలో విడుదల అయింది. ఈ మూవీ ఏ మాత్రం అంచనాలు లేకుండా థియేటర్లలో విడుదల అయింది. విడుదల తర్వాత కూడా ఈ సినిమాకు గొప్ప టాక్ రాకపోవడంతో ప్రస్తుతం చెప్పుకోదగ్గ కలెక్షన్లు కూడా ఈ సినిమాకి రావడం లేదు అని తెలుస్తుంది.
ఇకపోతే ఈ సినిమాను మేకర్స్ దాదాపు పది కోట్ల రూపాయల బడ్జెట్ తో తెరకెక్కించినట్లు తెలుస్తుంది. ఇక ఈ సినిమాకు 7 కోట్ల మేర ప్రీ రిలీజ్ బిజినెస్ జరిగినట్లు సమాచారం. దానితో ఈ మూవీ 7.5 కోట్ల రేంజ్ లో షేర్ కలెక్షన్ లను వసూలు చేస్తే హిట్ స్టేటస్ ను అందుకొనుంది. కానీ ప్రస్తుతం మాత్రం ఈ సినిమాకు అన్ని కోట్ల కలెక్షన్లు వచ్చే అవకాశం లేదు అనే అభిప్రాయాన్ని చాలా మంది వ్యక్తం చేస్తున్నారు.