టాలీవుడ్ ఇండస్ట్రీలో ఎప్పుడూ కొత్త హీరోయిన్లు వస్తూ ఉంటారు పోతూ ఉంటారు. అయితే ఇలా తెలుగు ఇండస్ట్రీలో అడుగుపెట్టిన హీరోయిన్లలో అటు బాలీవుడ్ నుంచి వచ్చిన హీరోయిన్ లకు కాస్త డిమాండ్ ఎక్కువగానే ఉంటుంది. ఇది ఇప్పటినుంచి కాదు ఎప్పటినుంచో కొనసాగుతూ వస్తున్న ట్రెండ్. ఏకంగా ఇక్కడ హీరోయిన్ల కంటే బాలీవుడ్ లో ఫేమస్ అయి టాలీవుడ్ లోకి అడుగుపెట్టి స్టార్ హీరోల సరసన నటిస్తున్న హీరోయిన్లకు భారీగా పారితోషకం ముట్ట చెప్పడానికి కూడా దర్శక నిర్మాతలు సిద్ధమవుతూ ఉంటారు అని చెప్పాలి.


 కొన్ని దశాబ్దాల నుంచి ఇలా టాలీవుడ్ లో బాలీవుడ్ హీరోయిన్లది హవా నడుస్తుంది. ఇక ప్రస్తుత తరంలో కూడా ఇలా టాలీవుడ్ ఇండస్ట్రీలో స్టార్ హీరోల సరసన ఛాన్సులు దక్కించుకుంటూ ఇక భారీ రెమ్యూనరేషన్లతో హవా నడిపిస్తున్న హీరోయిన్లు చాలామంది ఉన్నారు. అలాంటి హీరోయిన్లలో కియారా అద్వానీ కూడా ఒకరు. అప్పటికే ఆమె బాలీవుడ్లో ఎస్టాబ్లిష్డ్ హీరోయిన్. అక్కడ కొన్ని బోల్డ్ పాత్రలో నటించి సోషల్ మీడియాలో సెన్సేషన్ కూడా అయింది  అలాంటి కియారా మొదటిసారి ఒక సాంప్రదాయమైన పాత్రలో.. మహేష్ హీరోగా నటించిన భరత్ అనే నేను మూవీలో కనిపించింది.


 ఇక ఈ సినిమాలో ఒక మిడిల్ క్లాస్ అమ్మాయిగా కనిపించి.. తన నటనతో ఆకట్టుకుంది. ఇంకేముంది ఆ తర్వాత మెగా పవర్ స్టార్ రామ్ హీరోగా నటించిన వినయ విధేయ రామ సినిమాలో ఛాన్స్ కొట్టేసింది. అయితే ఈ సినిమా ఫ్లాప్ అయినప్పటికి కియారా నటనకు అందం అభినయానికి మాత్రం మంచి గుర్తింపు వచ్చింది. ఇక ఇప్పుడు మరోసారి రామ్ చరణ్ సరసన గేమ్ చేజర్ అనే సినిమాలో నటిస్తుంది. ఇక ఈ సినిమా భారీ బడ్జెట్ తో తెరకెక్కుతుంది. భారీ అంచనాల మధ్య రిలీజ్ కు సిద్ధమవుతుంది.  ఈ సినిమా కనుక సూపర్ హిట్ అయింది అంటే టాలీవుడ్ లో కియారాకు తిరిగే లేదు అనడంలో సందేహం లేదు. మరి ముచ్చటగా తెలుగులో మూడో సినిమా చేస్తున్న కియారాకు అదృష్టం ఎలా వరిస్తుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

12/11/2024 10:20 AM