సినిమా ఇండస్ట్రీలో ఒక సినిమా వచ్చింది అంటే చాలు దానికి రివ్యూ ఇచ్చే వారి సంఖ్య ఈ మధ్య కాలంలో పెరిగిపోయింది. ఇక ఓ సినిమా విడుదల అయ్యి దానికి మంచి రివ్యూ లు వచ్చాయి అంటే చాలు ఆ సినిమాకు సంబంధించిన వారంతా మా సినిమాకు అద్భుతమైన రివ్యూలు వచ్చాయి. మా సినిమా చూసేయండి అన్న సందర్భాలు అనేకం ఉన్నాయి. ఇక సినిమాకు గనక మంచి రివ్యూ లు రానట్లయితే కావాల్సి కొనే మా సినిమాను బ్యాడ్ చేస్తున్నారు. అందుకే తప్పుడు రివ్యూ లు ఇస్తున్నారు. వాటిని అస్సలు నమ్మద్దు మా సినిమా సూపర్ గా ఉంది చూసేయండి అని చెప్పిన సందర్భాలు ఉన్నాయి.

ఇక ఏదేమైనా కూడా మంచి రివ్యూలు వచ్చిన సినిమాలు ఆడని సందర్భాలు ఉన్నాయి. చెడ్డ రివ్యూలు వచ్చిన సినిమాలు అద్భుతమైన విజయాలు అందుకున్న సందర్భాలు కూడా చాలానే ఉన్నాయి. ఇకపోతే రివ్యూ రైటర్లకు మంచి ప్రాముఖ్యతను ఇచ్చే నిర్మాతలలో దిల్ రాజు ఒకరు. ఇకపోతే తాజాగా దిల్ రాజు ఓ విలేకరుల సమావేశాన్ని ఏర్పాటు చేశాడు. అందులో భాగంగా ఆయన దిల్ రాజు డ్రీమ్స్ అనే బ్యానర్ ను స్థాపిస్తున్నట్లు , అందులో అంతా కొత్త వాళ్ళతో చిన్న సినిమాలను నిర్మించనున్నట్లు , సంవత్సరానికి 5 సినిమాలు ఆ బ్యానర్ లో టార్గెట్ అని దిల్ రాజు చెప్పుకొచ్చాడు. అలాగే ఈ ప్రెస్ మీట్ లో భాగంగా రివ్యూ రైటర్లకు బంపర్ ఆఫర్లు కూడా ఇచ్చాడు.

ఈ ప్రెస్ మీట్ లో దిల్ రాజు రివ్యూ రైటర్ల గురించి మాట్లాడుతూ ... సినిమా విడుదల అయ్యాక రివ్యూలు ఇస్తున్నారు. ఓకే ... ఇకపై సినిమా విడుదల కాక ముందే స్క్రిప్ట్ దశలోనే దానిని రివ్యూ రైటర్లకు ఇస్తాను. దానిలో ఏమైనా లోపాలు ఉంటే వారు చెప్పండి. అప్పుడే వెంటనే సరి చేసుకుంటాం. దానితో సినిమా బాగుండే అవకాశాలు ఉన్నాయి అని ఆయన చెప్పుకొచ్చాడు. తాజాగా దిల్ రాజు చేసిన ఈ వ్యాఖ్యలు వైరల్ అవుతున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

12/11/2024 10:28 AM