కానీ ఒక్క హిట్టు తెలుగులో పడితే ఇక్కడే సెటిల్.. అయిపోతున్నారు. అచ్చం అలాగే బాలీవుడ్ బ్యూటీ జాన్వి కపూర్ కూడా తెలుగులో పాతుకుపోయేలా కనిపిస్తోంది. తాజాగా దేవర సినిమాతో బంపర్ హిట్ అందుకున్న జాన్వి కపూర్.... తెలుగులో స్టార్ హీరోల సరసన నటించేందుకు అవకాశాలు దక్కించుకుంటోంది. అలనాటి హీరోయిన్ శ్రీదేవి కూతురే బాలీవుడ్ బ్యూటీ జాన్వి కపూర్.
మన తెలుగు ఇండస్ట్రీ లోకి రాకముందే... హిందీలో చాలా సినిమాలు చేసింది. వెబ్ సిరీస్ లు కూడా చేసి అందాలు ఆరబోసింది.. కానీ బాలీవుడ్ ఇండస్ట్రీలో పెద్దగా ఎవరూ పట్టించుకోలేదు. అయితే తన తల్లి బాటలో నడిచి... మన తెలుగులోకి వచ్చేసింది జాన్వి కపూర్. దానికి తగ్గట్టుగానే... తన మొదటి సినిమా జూనియర్ ఎన్టీఆర్ తో చేసి... జాన్వి కపూర్ సక్సెస్ అయింది. కొరటాల శివ అలాగే జూనియర్ ఎన్టీఆర్ కాంబినేషన్లో దేవర సినిమా వచ్చింది.
ఈ సినిమా ఇటీవల రిలీజ్ అయి దాదాపు 700 కోట్లకు పైగా వసూళ్లు రాబట్ట గలిగింది. అయితే ఈ సినిమాలో జాన్వి కపూర్ పాత్ర చాలా తక్కువ సమయం ఉన్నప్పటికీ.. ఈ బ్యూటీ ఖాతాలో మొదటి సక్సెస్ పడిపోయింది. అయితే ఈ సినిమా షూటింగ్ దశలోనే రామ్ చరణ్ తో నటించే ఛాన్స్ ను కొట్టేసింది. బుచ్చిబాబు, రామ్ చరణ్ కాంబినేషన్లో వచ్చే సినిమాకు హీరోయిన్గా జాన్వీ కపూర్ ఫైనల్ అయిందట. అలాగే విజయ్ దేవరకొండ సినిమాలో కూడా నటించబోతుందట. ఇలా ఒక్క సినిమాతోనే బాలీవుడ్ అందాల తారకు టాలీవుడ్ లో మంచి అవకాశాలు రావడం నిజంగా గ్రేట్ అని అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి