వైజాగ్ - ఈస్ట్ - నెల్లూరు ఇలా ప్రతి చోట లోకల్ బయ్యర్లను పక్కనపెట్టి జనసేన లీడర్ ముందుకు వచ్చి తమకే సినిమా ఇవ్వాలని పట్టుబడుతున్నారు. పైగా ఒక్కో ఏరియాకు ముగ్గురు నలుగురు పోటీ పడుతున్నారు. ఈస్ట్ గోదావరి హక్కులు తనకు తప్ప మరెవ్వరికీ ఇవ్వకూడదని ఎంపీ టీ టైమ్ అధినేత తంగేళ్ల ఉదయ్‌ శ్రీనివాస్ పట్టుబడుతున్నట్టు తెలుస్తోంది. ఇక విశాఖ తనకే కావాలని ఓ జనసేన కీలక నేత పట్టుబడుతున్నారట. ఇవన్నీ చూసి రెగ్యులర్గా సినిమా వ్యాపారంలో ఉన్న జనాలు గోల గోల చేస్తున్న పరిస్థితి. ఇదేంటి ఈ పోటీ అని వాపోతున్నారట. ప్రస్తుతానికైతే ఇంకా ఏ ఏరియాకి ఎవరికి హక్కులు ఖరారు చేయలేదు. సినిమాను మార్చిలో విడుదల చేస్తారని హరిహర వీరమల్లు మేలో ఉంటుందని టాక్. ఏది ఏమైనా పవన్ కళ్యాణ్ సినిమా కోసం ఇప్పుడు జనసేన నుంచి ఏ స్థాయిలో పోటీ ఉందో చెప్పేందుకు ఇది నిదర్శనం అని చెప్పాలి. ఇక ఈ రెండు సినిమాలను ఓ కొలిక్కి తీసుకు వచ్చిన తర్వాత పవన్ కళ్యాణ్ - హరీష్ శంకర్ దర్శకత్వంలో ఉస్తాద్‌ భగత్ సింగ్ సినిమాలో నటిస్తారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి