ఇది ఇలా ఉంటే టాలీవుడ్ లో ఇటీవల కాలంలో స్టార్ హీరోల సినిమాల రీ రిలీజ్ ట్రెండ్ బాగా కొనసాగుతోంది. మహేష్ బాబు నటించిన కొన్ని సినిమాలు ఇప్పటికే ప్రేక్షకుల ముందుకు వచ్చాయి. అందులో పోకిరి - ఒక్క‌డు సినిమాలు ఉన్నాయి. ఇక మురారి సినిమా అయితే ఏకంగా రీ రిలీజ్ లో తొమ్మిది కోట్ల కలెక్షన్లు రాబట్టింది. ఈ క్రమంలోనే మహేష్ బాబు నటించిన ఓ సినిమాను ఇప్పుడు రీ రిలీజ్ చేస్తున్నారు. అది డిజాస్టర్ సినిమా కావటం గమనార్హం.
మహేష్ బాబు - సురేందర్ రెడ్డి కాంబినేషన్లో వచ్చిన అతిధి సినిమా 2007 విజయదశమి కానుకగా ప్రేక్షకుల ముందుకు వచ్చింది. ఈ సినిమాలో మహేష్ బాబు కి జోడిగా బాలీవుడ్ ముద్దుగుమ్మ అమృత ఆరో రా హీరోయిన్ గా నటించింది. ఈ సినిమా ప్రేక్షకుల అంచనాలు అందుకోలేదు. అయితే పాటలు .. మహేష్ బాబు స్టైలిష్ నటన సురేందర్ రెడ్డి టేకింగ్ మాత్రం చాలా కొత్తగా ఉంటాయి. ఈ సినిమాను ఇప్పుడు డిసెంబర్ 31న రిలీజ్ చేసేందుకు ప్లాన్ చేస్తున్నారు. డేట్ అయితే ఖరారు అయిందని.. అతిధి రీ రిలీజ్ పక్కా అని తెలుస్తుంది. ఈ సినిమాకి ఫ్యాన్స్ నుంచి ఎలాంటి రెస్పాన్స్ వస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి