వెనుకబడిపోయిన వెంకీ.. ఇలా అయితే కష్టమే అంటున్న ఫ్యాన్స్..?
టాలీవుడ్ ఇండస్ట్రీలో అద్భుతమైన గుర్తింపు కలిగిన సీనియర్ స్టార్ హీరోలలో విక్టరీ వెంకటేష్ ఒకరు. వెంకటేష్ ఈ సంవత్సరం సంక్రాంతి పండుగ సందర్భంగా ప్రేక్షకుల ముందుకు వచ్చాడు. ఈ మూవీ మంచి అంచనాల నడుమ విడుదల అయిన ప్రేక్షకుల అంచనాలను మాత్రం అందుకోలేకపోయింది. దానితో ఈ సినిమా బాక్స్ ఆఫీస్ దగ్గర ఫ్లాప్ అయ్యింది. ఇకపోతే ప్రస్తుతం వెంకటేష్ , అనిల్ రావిపూడి దర్శకత్వంలో శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న సంక్రాంతికి వస్తున్నాం అనే సినిమాలో హీరోగా నటిస్తున్నాడు.
ఈ సినిమాను వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు. కానీ ఈ సినిమాను ఏ తేదీన విడుదల చేయనున్నారు అనే దానిని మాత్రం ప్రకటించలేదు. ఇది ఇలా ఉంటే ఈ సంవత్సరం సంక్రాంతి పండుగ సందర్భంగా వెంకటేష్ హీరోగా రూపొందుతున్న సంక్రాంతికి వస్తున్నాం సినిమాతో పాటు రామ్ చరణ్ హీరోగా రూపొందుతున్న గేమ్ చేంజర్ , బాలకృష్ణ , బాబీ కాంబోలో రూపొందుతున్న సినిమా కూడా విడుదల కానుంది. వచ్చే సంవత్సరం సంక్రాంతికి విడుదల కాబోయే సినిమాల జోష్ ఆల్రెడీ మొదలైంది. ఇక ఇప్పటికే గేమ్ చేంజర్ మూవీ నుండి రెండు పాటలు , ఒక టీజర్ విడుదల అయింది. ఈ మూవీ బృందం సంక్రాంతి సినిమాలన్నింటిలో కూడా చాలా స్పీడుగా ఉంది. బాలయ్య , బాబి కాంబోలో పొందుతున్న సినిమా నుండి ఇప్పటికే ఓ రెండు గ్లిమ్స్ వీడియోలు విడుదల అయ్యాయి.
నవంబర్ 15 వ తేదీన టీజర్ ను కూడా విడుదల చేయనున్నారు. ఇక విక్టరీ వెంకటేష్ హీరోగా రూపొందుతున్న సంక్రాంతికి వస్తున్నాం సినిమా నుండి పెద్దగా అప్డేట్లు ఏమీ రాలేదు. అప్డేట్ల విషయంలో చూస్తే ఇతర సినిమాలతో పోలిస్తే వెంకటేష్ చాలా వెనకబడిపోయాడు. ఇక సందీప్ కిషన్ హీరోగా రూపొందుతున్న మజాకా మూవీ ని కూడా వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు మేకర్స్ ప్రకటించారు. కానీ ఈ మూవీ నుండి కూడా పెద్దగా అప్డేట్లు ఏమీ కూడా ఇప్పటివరకు విడుదల కాలేదు.