ఈ క్రమంలోనే సినీ దర్శకుడు రాంగోపాల్ వర్మపై కేసు నమోదు అయింది. ఆయనకు నోటీసులు ఇచ్చేందుకు ఒంగోలు పోలీసులు హైదరాబాద్ బయలుదేరి వెళ్లారు. ఎన్నికల ముందు వ్యూహం సినిమా ప్రమోషన్ లో నాటి ప్రతిపక్ష నేత చంద్రబాబు ఆయన కుటుంబ సభ్యులతో పాటు జనసేన అధినేత పవన్ కళ్యాణ్ వ్యక్తిత్వాలను కించపరిచేలా ఆయన ఎక్స్‌లో పోస్టులు పెట్టారు. దీనిపై ప్రకాశం జిల్లా మద్దిపాడు స్టేషన్ లో కేసు నమోదు అయింది. ఈ మేరకు విచారణకు హాజరు కావాలంటూ ఆయనకు నోటీసులు సిద్ధం చేశారు. ఈ క్రమంలోనే పోలీసులు ఒక బృందంగా ఏర్పడి మంగళవారం రాత్రి హైదరాబాద్ కు బయలుదేరి వెళ్లారు. బుధవారం వర్మకు పోలీసులు నోటీసులు అందజేసే అవకాశం ఉంది.
అలాగే విజయవాడలోని భవానిపురం పోలీస్ స్టేషన్ లో సినీ నటుడు వైసీపీ నాయకుడు krishna MURALI' target='_blank' title='పోసాని కృష్ణమురళి-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '>పోసాని కృష్ణమురళి పై జనసేన నాయకులు మంగళవారం ఫిర్యాదు చేశారు. 2021 లో వైసీపీ కార్యాలయం వేదికగా పవన్ కళ్యాణ్ పై పోసాని తీవ్రంగా విమర్శలు చేశారని.. ఆ వీడియోలను సోషల్ మీడియాలో వైసీపీ ఎక్కువగా వినియోగిస్తూ పవన్ కళ్యాణ్ ప్రతిష్ట దెబ్బతీస్తుందని కేసు నమోదు చేశారు. దీనిపై పోలీసులు కేసు నమోదు చేసి దర్యాప్తు చేస్తున్నారు. అలాగే సోషల్ మీడియాలో చంద్రబాబు - పవన్ కళ్యాణ్ - లోకేష్ - వంగలపూడి అనిత పై దుర్భాషలాడుతున్న నటి శ్రీరెడ్డి పై చర్యలు తీసుకోవాలని తెలుగు మహిళా సభ్యులు అనకాపల్లి పట్టణ పోలీస్ స్టేషన్లో మంగళవారం ఫిర్యాదు చేశారు. శ్రీరెడ్డి పై చర్యలు తీసుకోవాలని వారు తమ కేసులో పేర్కొన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి