హీరోయిన్ రోజా తెలుగు సినిమా ఇండస్ట్రీలో ఒక అప్పుడు స్టార్ హీరోయిన్గా ఎదిగీ టాలీవుడ్‌లో ఉన్న స్టార్ హీరోలతో కలిసి నటించింది. ప్రస్తుతం ఈ సీనియర్ హీరోయిన్ రాజకీయాల్లో కూడా దూసుకుపోతుంది. అయితే రోజా టాలీవుడ్ లో ఎంట్రీ ఇచ్చిన కొత్తలో ఎన్నో ఇబ్బందులు పడిందట. రాజేంద్ర ప్రసాద్ హీరోగా వచ్చిన ప్రేమ తపస్సు అనే సినిమాతో ఈమె తెలుగులో ఎంట్రీ ఇచ్చింది. అయితే ఈ సినిమాలో రోజా యాక్టింగ్ బాగున్నా కానీ తర్వాత అవకాశాలు మాత్రం రాలేదు. ఈ క్రమంలోనే శోభన్ బాబు హీరోగా వచ్చిన సర్పయాగం సినిమా చేయడానికి ప్లాన్ చేశారు. ఆ సినిమాలో శోభనబాబు కూతురుగా ముందుగా మరో స్టార్ హీరోయిన్ మీనాని అనుకున్నారు. ఆ సినిమాలో కూతురు పాత్ర చనిపోతుంది అప్పటికే మీనా స్టార్ హీరోయిన్గా మంచి క్రేజ్ అందుకుంది. అలాంటి సమయంలో మీనా ఈ పాత్ర చేస్తే బాగుండదని ఆమెను తప్పించారు.
ఇక దాంతో పరుచూరి బ్రదర్స్ ఈ సినిమాలో ఎవరైనా కొత్త అమ్మాయిని తీసుకోవాలని ఎదురు చూస్తున్నారు .. ఈ క్రమంలోనే రోజా గురువు శివప్రసాద్ పరుచూరి బ్రదర్స్ ని కలిసి ప్రేమ తపస్సు సినిమా చూడాలని చెప్పారట. అందులో రోజా యాక్టింగ్ గమనించిన వారు ఈ అమ్మాయి బాగా సెట్ అవుతుందని భావించి సర్పయాగం సినిమాలో అవకాశం ఇచ్చారట. దాంతో ఆ రోజాకు ఈ సినిమా మంచి పేరు తీసుకు వచ్చింది అప్పటినుంచి రోజా కి సినిమాల్లో హీరోయిన్గా వరుస అవకాశాలు వచ్చాయి. అలా రోజా తర్వాత టాలీవుడ్ నుంచి కోలీవుడ్ వరకు వరుస సినిమాల్లో నటించి సౌత్ లోనే స్టార్ హీరోయిన్గా గుర్తింపు తెచ్చుకుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి