టాలీవుడ్ ఇండస్ట్రీ లో సీనియర్ స్టార్ హీరోలలో నందమూరి బాలకృష్ణ ఒకరు. బాలకృష్ణ ఈ మధ్య కాలంలో వరుస విజయాలతో అద్భుతమైన జోష్లో కెరియర్ను ముందుకు సాగిస్తున్నాడు. అఖండ మూవీ కంటే ముందు వరుస అపజయాలను ఎదుర్కొన్న బాలయ్య ఆ మూవీ తో బ్లాక్ బాస్టర్ విజయాన్ని సొంతం చేసుకున్నాడు. ఆ తర్వాత వీర సింహా రెడ్డి , భగవంత్ కేసరి సినిమాలతో కూడా విజయాలను అందుకొని ప్రస్తుతం అద్భుతమైన ఫామ్ లో ఉన్నాడు. ఇక బాలయ్య ప్రస్తుతం బాబి దర్శకత్వంలో ఎన్బికె 109 అనే వర్కింగ్ టైటిల్ తో రూపొందుతున్న సినిమాలో హీరోగా నటిస్తున్నాడు.

ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేయనున్నారు. ఈ సినిమాకు సంబంధించిన టీజర్ ను నవంబర్ 15 వ తేదీన విడుదల చేయనున్నట్లు మేకర్స్  ప్రకటించారు. ఇకపోతే బాలయ్య తన కెరియర్లో చాలా సినిమాలను వదులుకున్నాడు. అందులో కొన్ని బ్లాక్ బాస్టర్ విజయాలను అందుకున్న సినిమాలు కూడా ఉన్నాయి. ఇకపోతే జూనియర్ ఎన్టీఆర్ హీరో గా రాజమౌళి దర్శకత్వంలో కొన్ని సంవత్సరాల క్రితం సింహాద్రి అనే మూవీ రూపొందిన విషయం మనకు తెలిసిందే. ఈ మూవీ కి విజయేంద్రప్రసాద్ కథను అందించాడు.

ఈ మూవీ బ్లాక్ బస్టర్ విజయాన్ని అందుకుంది. ఇకపోతే విజయేంద్ర ప్రసాద్ "సింహాద్రి" మూవీ కథను మొదటగా బాలయ్య కు వినిపించాడట. ఇక బాలయ్య ఈ సినిమా కథ మొత్తం విని స్టోరీ సూపర్ గానే ఉంది , కానీ నేను ఇది వరకే ఇలాంటి సినిమాలు చాలా చేశాను. దానితో మళ్లీ ఇలాంటి కథ నాపై అస్సలు వర్కౌట్ కాదు ... అని చెప్పి ఆ కథను రిజెక్ట్ చేశాడట. ఆ తర్వాత రాజమౌళి అదే కథతో సింహాద్రి అనే టైటిల్ తో మూవీ చేసి హిట్ కొట్టాడట.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Balayya

MADDIBOINA AJAY KUMAR

13/11/2024 01:34 PM