ఇక బాహుబలి సిరీస్ తో ఆయనకి వరల్డ్ వైడ్ గా మంచి ఫేమ్ వచ్చింది. అయితే బాహుబలి సినిమా కూడా ఆ స్థాయిలో ఆడినందుకు రానా చేసిన మార్కెటింగ్ స్ట్రేటజీ అంతాఇంతా కాదు. ఈరోజు తెలుసు సినిమా ప్రపంచ సినిమాతో పోటీపడుతోంది అంటే అందులో రానా గురించి కూడా మనం మాట్లాడుకోవాలి. ఈ విషయాన్ని దర్శకధీరుడు రాజమౌళినే స్వయంగా ఒప్పుకున్నాడు మరి! ఇక బాహుబలి సిరీస్ రానా చేసిన ‘నేనే రాజు..నేనే మంత్రి’ చిత్రం కూడా కమర్షియల్ గా రానాని మరో మెట్టు ఎక్కించింది. ఇక ఆ తర్వాత ఆయన హీరో గా నటించిన అరణ్య, విరాటపర్వం వంటి సినిమాలు విడుదలయ్యాయి కానీ, అవి కమర్షియల్ గా సక్సెస్ సాధించలేకపోయాయి. అయితే పవన్ కళ్యాణ్ ప్రధాన పాత్ర పోషించిన ‘భీమ్లా నాయక్’ సినిమాలో రానా చేసిన పాత్రకి మంచి గుర్తింపు తీసుకొచ్చింది.
ఇక అసలు విషయంలోకి వెళితే, రానా మంచి నటుడే కాదు... అంతకుమించి మంచి హోస్ట్ కూడా. ఎటువంటి షోనైనా తనదైన రీతిలో రక్తికట్టించగలడు. ఇంతకుముందు ఆయన జెమినీ టీవీలో ప్రసారమయిన ‘నెంబర్ 1 యారి విత్ రానా’ అనే పాపులర్ టాక్ షో కి వ్యాఖ్యాతగా వ్యవహరించిన సంగతి విదితమే. ఈ టాక్ షో తర్వాత మళ్ళీ ఆయన సరికొత్త టాక్ షోతో మన ముందుకు రాబోతున్నాడు. అమెజాన్ ప్రైమ్ సంస్థ సమర్పిస్తున్న ఈ టాక్ షోకి సంబంధించి కొన్ని ఎపిసోడ్స్ ని కూడా షూట్ చేసినట్టు సమాచారం. ఈ నెల 23వ తారీఖు నుండి ఈ టాక్ షో అమెజాన్ ప్రైమ్ వీడియో లో స్ట్రీమింగ్ కానుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి