చిరంజీవి కంబ్యాక్ సినిమా ఖైదీ నెంబర్ 150. ఈ సినిమాలో కాజల్ అగర్వాల్ హీరోయిన్గా చేసింది. ఇక పవన్ కళ్యాణ్ తో కలిసి సర్దార్ గబ్బర్ సింగ్ సినిమాలో నటించింది. రామ్ చరణ్ తో కలిసి మూడు సినిమాలు చేసింది. మగధీర, గోవిందుడు అందరివాడేలే, నాయక్ సినిమాల్లో హీరోయిన్గా చేసింది. ఇందులో మగధీర సినిమా ఇండస్ట్రీ హిట్ గా నిలిచింది. నాయక్ సినిమా సూపర్ హిట్ అందుకుంది. గోవిందుడు అందరివాడేలే సినిమా మాత్రం డిజాస్టర్ గా నిలిచింది.
ఇలా మెగా కుటుంబంలో ముగ్గురు హీరోలతో కాజల్ అగర్వాల్ రొమాన్స్ చేసి అరుదైన రికార్డును నెలకొల్పింది. అటు అల్లు అర్జున్ తో కూడా కాజల్ నటించింది. ఆర్య-2తో మంచి హిట్ అందుకుంది. అల్లు అర్జున్ కూడా మెగా హీరో అని చాలామంది అంటూనే ఉంటారు. కాగా, కాజల్ అగర్వాల్ మొదట మోడల్ గా తన కెరీర్ ప్రారంభించి అనంతరం సినిమాల్లోకి హీరోయిన్గా పరిచయమైంది.
లక్ష్మీ కళ్యాణం సినిమాతో టాలీవుడ్ ఇండస్ట్రీకి పరిచయమైన ఈ చిన్నది మొదటి సినిమాతోనే మంచి గుర్తింపు తెచ్చుకుంది. అనంతరం వరుసగా సినిమా అవకాశాలను అందుకుంటు అగ్ర హీరోలు అందరి సరసన నటించింది. ఇక ఏకంగా టాలీవుడ్ ఇండస్ట్రీలోనే స్టార్ హీరోయిన్గా నిలిచింది. ప్రస్తుతం కాజల్ వివాహం చేసుకొని ఓ మగ బిడ్డకు జన్మనిచ్చింది. కొద్దిరోజుల గ్యాప్ అనంతరం కాజల్ మళ్లీ వరుస పెట్టి సినిమాల్లో నటిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి