మెగా బ్రదర్ నాగబాబు కుమారుడు వరుణ్ తేజ్ , శ్రీకాంత్ అడ్డాల దర్శకత్వంలో రూపొందిన ముకుంద అనే సినిమాతో ప్రేక్షకుల ముందుకు వచ్చాడు. పూజ హెగ్డే ఈ సినిమాలో హీరోయిన్గా నటించింది. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర ప్రేక్షకులను ఏ మాత్రం ఆకట్టుకోలేదు. కానీ ఈ సినిమా ద్వారా వరుణ్ కి మాత్రం మంచి గుర్తింపు లభించింది. మొదటి సినిమాతో అపజయాన్ని ఎదుర్కొన్న ఈయన ఆ తర్వాత ఆచితూచి సినిమాలను ఎంచుకుంటూ మంచి విజయాలను అందుకుంటూ తెలుగు సినీ పరిశ్రమలో నటుడిగా తనకంటూ ఒక మంచి గుర్తింపును ఏర్పరచుకున్నాడు.

ఇకపోతే ఈ మధ్య కాలంలో మాత్రం ఈయన వరుస పెట్టి బాక్స్ ఆఫీస్ దగ్గర అపజయాలను ఎదుర్కొంటూ వస్తున్నాడు. ఈయన కొంత కాలం క్రితం గాండీవ దారి అర్జున అనే సినిమాతో ప్రేక్షకులను పలకరించి ఫ్లాప్ ను అందుకోగా , ఆ తర్వాత ఆపరేషన్ వాలెంటైన్ అనే సినిమాతో కూడా ప్లాప్ ను అందుకున్నాడు. తాజాగా ఈయన నటించిన మట్కా మూవీ ఈ రోజు విడుదల అయింది. మరి ఈ సినిమాతో వరుణ్ ఏ స్థాయి విజయాన్ని అందుకుంటాడో చూడాలి. ఇది ఇలా ఉంటే ప్రస్తుతం ఈయన అదిరిపోయే రేంజ్ క్రేజ్ ఉన్న దర్శకులను లైన్లో పెడుతున్నట్లు తెలుస్తోంది. ఇప్పటికే ఈ నటుడు మేర్లపాక గాంధీ దర్శకత్వంలో ఓ సినిమాకు కమిట్ అయినట్లు తెలుస్తోంది. మరికొన్ని రోజుల్లోనే ఈ సినిమా స్టార్ట్ కూడా కాబోతున్నట్లు వార్తలు వస్తున్నాయి.

ఇకపోతే తాజాగా ఓ ఇంటర్వ్యూలో వరుణ్ మాట్లాడుతూ ... సుజిత్ తనకు ఒక కథను చెప్పినట్లు , ఆ కథతో సినిమా చేయాలని ఎప్పటి నుండో అనుకుంటున్నట్లు , అన్ని సెట్ అయితే సుజిత్ దర్శకత్వంలో ఓ మూవీ ఉండే ఛాన్స్ ఉన్నట్లు వరుణ్ చెప్పుకొచ్చాడు. ఇలా వరుణ్ తన నెక్స్ట్ మూవీల కోసం అదిరిపోయే రేంజ్ క్రేజ్ ఉన్న డైరెక్టర్లను సెట్ చేసుకుంటున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MADDIBOINA AJAY KUMAR

14/11/2024 09:51 PM