నందమూరి బాలకృష్ణ ఈ మధ్యకాలంలో వరుస పెట్టి బ్లాక్ బాస్టర్ విజయాలను అందుకుంటున్న విషయం మన అందరికీ తెలిసిందే. కొంత కాలం పాటు వరుస అపజయాలను ఎదుర్కొంటూ వచ్చిన బాలయ్య , బోయపాటి దర్శకత్వంలో అఖండ అనే సినిమాలో హీరోగా నటించాడు. ఈ మూవీ అదిరిపోయే రేంజ్ బ్లాక్ బస్టర్ విజయాన్ని సొంతం చేసుకుంది. ఈ మూవీ తర్వాత వీర సింహా రెడ్డి , భగవంత్ కేసరి సినిమాలతో వరుస విజయాలను అందుకున్నాడు. ఇక ఇప్పటికే మూడు విజయాలను వరుసగా అందుకొని ఫుల్ జోష్లో ఉన్న బాలయ్య ప్రస్తుతం బాబీ దర్శకత్వంలో రూపొందుతున్న సినిమాలో హీరోగా నటిస్తున్నాడు.

ఇకపోతే ఇంత కాలం పాటు ఈ సినిమాకు టైటిల్ను ఫిక్స్ చేయకపోవడంతో ఎన్బికె 109 అనే వర్కింగ్ టైటిల్తో ఈ మూవీ షూటింగ్ ను పూర్తి చేస్తూ వచ్చారు. ఈ రోజు ఈ మూవీ కి డాకు మహారాజ్ అనే టైటిల్ ఫిక్స్ చేస్తూ ఈ మూవీ టీజర్ ను కూడా విడుదల చేశారు. ఈ మూవీ టైటిల్ మరియు టీజర్ ఆ విడుదల కార్యక్రమంలో ఈ మూవీ దర్శకుడు బాబి మాట్లాడుతూ కొన్ని ఆసక్తికరమైన విషయాలను తెలియజేశాడు. తాజా ఈవెంట్ లో భాగంగా బాబి మాట్లాడుతూ ... నాకు బాలకృష్ణ గారి సినిమాలలో సమరసింహారెడ్డి , నరసింహ నాయుడు సినిమాలు అంటే ఎంతో ఇష్టం. ఆ సినిమాలలో ఎమోషన్ ఎంత బాగా వర్కౌట్ అయిందో ఈ సినిమాలో కూడా అంతే బాగా ఎమోషన్ వర్కౌట్ అయ్యింది.

ఆ సినిమాల స్థాయిలోనే ఈ మూవీ కూడా విజయం సాధిస్తుంది అని చెప్పుకొచ్చాడు. ఇకపోతే సమరసింహారెడ్డి , నరసింహ నాయుడు సినిమాలు రెండు కూడా ఇండస్ట్రీ హిట్ మూవీలు. బాబీ ఆ సినిమాలతో పోల్చాడు అంటే కచ్చితంగా డాకు మహారాజ్ బ్లాక్ బస్టర్ అవుతుంది అని , అదే ఆ సినిమాల స్థాయిలో ఈ మూవీలో ఎమోషన్ వర్కౌట్ అయితే ఈ మూవీ కూడా కొత్త కొత్త రికార్డులను సృష్టిస్తుంది అని బాలయ్య అభిమానులు ఆశాభావం వ్యక్తం చేస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Babi

Pulgam Srinivas

15/11/2024 02:41 PM