కెరియర్ తొలినాళ్లలో వరుసగా సూపర్ హిట్ లు సాధించి ఎనర్జిటిక్ స్టార్ గా గుర్తింపును సంపాదించుకున్నాడు రామ్. కానీ ఆ తర్వాత మాత్రం అతనికి బ్యాడ్ లకు వెంటాడుతూనే ఉంది. ఎలాంటి సినిమాతో ప్రేక్షకుల ముందుకు వచ్చిన.. సినిమా కోసం ఇక ఎంతలా తనను తాను మార్చుకున్న.. ప్రేక్షకులను మాత్రం మెప్పించలేకపోతున్నాడు. మధ్యలో పూరి జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమాతో హిట్టు కొట్టాడు అయితే ఇది కేవలం గాలి వాటానికి మాత్రమే వచ్చిన విజయం అని అందరూ ట్రోలింగ్ కూడా చేశారు.
అయితే ఈ ట్రోలింగ్ తప్పు అని నిరూపించాలనుకున్నాడు రామ్ పోతినేని. ఇక ఆ తర్వాత రెడ్ అనే మూవీతో ప్రేక్షకుల ముందుకు వచ్చాడు. కానీ ఈ సినిమా విజయం సాధించలేదు. ఆ తర్వాత ద వారియర్ అనే సినిమాతో వచ్చిన ఈ సినిమా కూడా యావరేజ్ టాక్ తోనే సరిపెట్టుకొని.. ఆ నిర్మాతలకు నష్టాలే మిగిల్చింది. ఇక ఆ తర్వాత ఏకంగా బోయపాటితో స్కంద అనే సినిమాలో నటించాడు. భారీ అంచనాల మధ్య విడుదలైన ఈ సినిమా బిగ్గెస్ట్ డిజాస్టర్ గా నిలిచింది. దీంతో ఇక తనకు చాన్నాళ్ల తర్వాత హిట్ ఇచ్చిన ఇస్మార్ట్ శంకర్ నే మళ్లీ నమ్ముకుని ఈ సినిమాకు సీక్వల్ చేశాడు. ఈసారైనా హిట్టు దక్కుతుందనుకుంటే మళ్లీ రామ్ పోతినేని కి నిరాశ ఎదురయింది. ఇలా హిట్టు అనే పదానికి ప్రతి సినిమాతో అంతకంతకు దూరమైపోతున్నాడు. దీంతో అభిమానులు కూడా నిరాశలో మునిగిపోతున్నారు. రామ్ పోతినేని కి ఒక మంచి హిట్ దక్కితే బాగుండు అని కోరుకుంటున్నారు. మరి ప్రేక్షకుల నాడిని అర్థం చేసుకొని ఇప్పటికైనా విభిన్నమైన కథలను ఎంచుకొని రామ్ రిస్క్ చేసి హిట్టు కొడతాడా లేదా చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి