టాలీవుడ్ ఇండస్ట్రీలో సూపర్ జోష్లో దూసుకుపోతున్న యువ నటీమణులలో మీనాక్షి చౌదరి ఒకరు. ఇచట వాహనములు నిలపరాదు అనే సినిమాతో ఈ బ్యూటీ టాలీవుడ్ ఇండస్ట్రీలోకి ఎంట్రీ ఇచ్చింది. ఈ సినిమా పెద్ద స్థాయి విజయాన్ని అందుకోకపోయిన ఈ మూవీ ద్వారా ఈమెకు మంచి గుర్తింపు లభించింది. ఆ తర్వాత ఈ బ్యూటీ కిలాడి అనే సినిమాలో హీరోయిన్గా నటించింది. ఈ మూవీ ఫ్లాప్ అయిన ఇందులో తన అందాలతో ప్రేక్షకులను కట్టిపడేయడంతో ఈ బ్యూటీ కి ఆ తర్వాత కూడా అవకాశాలు వచ్చాయి. ఇది ఇలా ఉంటే ప్రస్తుతం ఈ బ్యూటీ వరుస పెట్టి సినిమాల్లో నటిస్తూ వస్తుంది.

ఈ సంవత్సరం ఈమె నటించిన చాలా సినిమాలు థియేటర్లలో విడుదల అయ్యాయి. మొదటగా ఈ సంవత్సరం ఈమె నటించిన గుంటూరు కారం , ఆ తర్వాత గోట్ , కొంత కాలం క్రితమే లక్కీ భాస్కర్ , తాజాగా మట్కా సినిమాలు విడుదల అయ్యాయి. ఇందులో గుంటూరు కారం , గోట్ సినిమాల ద్వారా ఈమెకు విజయాలు దక్కలేదు. లక్కీ భాస్కర్ సినిమా అద్భుతమైన విజయాన్ని అందుకుంది. అలాగే ఈ మూవీ లోని మీనాక్షి నటనకు కూడా ప్రేక్షకుల నుండి , విమర్శకుల నుండి ప్రశంసలు దక్కాయి. అలా లక్కీ భాస్కర్ మూవీ ద్వారా ఒక విజయం దక్కింది అని లోపే తాజాగా విడుదల అయిన మట్కా మూవీ ద్వారా ఈమెకు మరో ఫ్లాప్ దక్కే అవకాశాలు కనబడుతున్నాయి. ఈ బ్యూటీ తాజాగా మెకానిక్ రాఖీ అనే సినిమాలో హీరోయిన్గా నటించింది. ఈ మూవీ నవంబర్ 22 వ తేదీన విడుదల కానుంది.

మరి ఈ సినిమాపై ప్రస్తుతానికి ప్రేక్షకుల్లో పెద్దగా అంచనాలు లేవు. మరి ఈ మూవీ తో ఈ సంవత్సరం చివరన మీనాక్షి మంచి హిట్ ను కొడుతుందా లేదా అనేది చూడాలి. ఇక ప్రస్తుతం ఈ బ్యూటీ మెకానిక్ రాఖీ మూవీ తో పాటు విక్టరీ వెంకటేష్ హీరోగా రూపొందుతున్న సంక్రాంతికి వస్తున్నాం అనే సినిమాలో కూడా హీరోయిన్గా నటిస్తుంది. ఈ మూవీ ని వచ్చే సంవత్సరం సంక్రాంతి పండగ కానుకగా విడుదల చేయనున్నట్లు ఈ మూవీ బృందం వారు చాలా రోజుల క్రితమే ప్రకటించారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Meenakshi

MADDIBOINA AJAY KUMAR

16/11/2024 12:10 PM