ప్రముఖ నటుడు రవి ప్రకాష్ గారు ఎక్కువగా సహాయ పాత్రలను పోషించినప్పటికీ, ప్రేక్షకుల మనసుల్లో చెరగని ముద్ర వేశారు. ముఖ్యంగా పోలీస్ పాత్రల్లో ఆయన చేసిన నటన అద్భుతమైనది. తెలుగు సినిమా ‘వేదం’లో ఆయన పోషించిన పాత్ర ప్రేక్షకులచే ప్రశంసించబడింది. తమిళ సినిమాల్లో ‘వానం’, ‘పయనం’, ‘మాట్రాన్’ వంటి చిత్రాల్లో కనిపించారు.
తాజా ఇంటర్వ్యూలో రవి ప్రకాష్ తన జీవితం గురించి ఆసక్తికరమైన విషయాలను పంచుకున్నారు. విశాఖపట్నంలో జన్మించి పెరిగిన ఆయన, లాసన్స్‌బే కాలనీలో తన తల్లిదండ్రులు ఇప్పటికీ నివసిస్తున్నారని చెప్పారు. విశాఖ వ్యాలీ స్కూల్‌లో ఇంటర్మీడియట్ వరకు చదివి, తర్వాత మాస్కోలో MBBS చదివి హైదరాబాద్‌లో కొంతకాలం డాక్టర్‌గా పనిచేశారు.
డాక్టర్‌గా తన జీవితాన్ని సెటిల్ చేసుకోవాలనుకున్న రవి ప్రకాష్‌కు జీవితం మరో మలుపు తిప్పింది. స్నేహితులు, కుటుంబ సభ్యుల ప్రోత్సాహంతో నటన వైపు మొగ్గు చూపారు. 2000లో తేజ దర్శకత్వంలో వచ్చిన 'శుభవేళ' సినిమాతో తెలుగు సినీ రంగంలోకి అడుగు పెట్టారు. మొదటి సినిమాతో అంతగా గుర్తింపు రాలేదనప్పటికీ, క్రిష్ దర్శకత్వంలో వచ్చిన 'వేదం' సినిమాలో ఆయన చేసిన నటనతో ఆయన కెరీర్ మరో మలుపు తిరిగింది. తాను మొదట డాక్టర్‌గా సెటిల్ అవ్వాలని అనుకున్నా, విధి తనకు వేరే మార్గం చూపించిందని రవి ప్రకాష్ చెప్పారు. ఏది ఏమైనా సినిమాల ద్వారా ఆయన ప్రేక్షకులను బాగానే అలరించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి