అల్లు అర్జున్ హీరోగా రూపొందిన పుష్ప పార్ట్ 2 మూవీ ని ఈ సంవత్సరం డిసెంబర్ 5 వ తేదీన విడుదల చేయనున్న విషయం మన అందరికీ తెలిసిందే. ఇకపోతే పుష్ప పార్ట్ 1 మూవీని పాన్ ఇండియా మూవీ గా తెలుగు , తమిళ్ , కన్నడ , మలయాళ , హిందీ భాషలో విడుదల అయ్యి అద్భుతమైన విజయం సాధించడం , ఈ మూవీలోని నటనకు అల్లు అర్జున్ నేషనల్ అవార్డు కూడా దక్కడంతో ఈ మూవీ రెండవ భాగంపై ప్రేక్షకుల్లో అంచనాలు భారీగా పెరిగిపోయాయి. ఇకపోతే ఈ సినిమా విడుదల తేదీ దగ్గర పడడంతో నిన్న రాత్రి ఈ మూవీ బృందం ఈ సినిమాకు సంబంధించిన ట్రైలర్ను విడుదల చేసింది.

ఈ మూవీ ట్రైలర్ గురించి చాలామంది జనాలు చాలా కాలం నుండి ఎంతో ఆసక్తిగా ఎదురు చూడటం , ఈ మూవీ ట్రైలర్ కూడా అధ్యంతం ప్రేక్షకులను ఆకట్టుకునే విధంగా ఉండడంతో ప్రస్తుతం ఈ మూవీ ట్రైలర్ కు ప్రేక్షకుల నుండి అద్భుతమైన రెస్పాన్స్ లభిస్తుంది. దానితో కేవలం 15 గంటల్లోనే ఈ సినిమా ట్రైలర్ టాప్ స్థానంలోకి వచ్చేసింది. కొంతకాలం క్రితం సూపర్ స్టార్ మహేష్ బాబు "గుంటూరు కారం" అనే సినిమాలో హీరోగా నటించిన విషయం మనకు తెలిసిందే. ఈ మూవీ ట్రైలర్ కు విడుదల అయిన 24 గంటల్లో 37.68 మిలియన్ వ్యూస్ దక్కాయి. ఈ రికార్డును కేవలం పుష్ప పార్ట్ 2 ట్రైలర్ 15 గంటల్లోనే క్రాస్ చేసింది. 15 గంటల్లో ఈ మూవీ ట్రైలర్ కు 38 మిలియన్ వ్యూస్ వచ్చాయి.

ఇలా ఈ మూవీ టాలీవుడ్ ఇండస్ట్రీలో 24 గంటల్లో అత్యధిక వ్యూస్ ను సాధించిన ట్రైలర్లలో మొదటి స్థానంలో నిలిచింది. ఇకపోతే ఇప్పటివరకు సౌత్ ఇండస్ట్రీ నుండి విడుదల అయిన ఏ సినిమా ట్రైలర్ కూడా ఇంత వేగంగా ఎన్ని వ్యూస్ ను అందుకోలేదు అని తెలుస్తుంది. ఇలా పుష్ప పార్ట్ 2 మూవీ తో అల్లు అర్జున్ , మహేష్ బాబు రికార్డును క్రాస్ చేయడం మాత్రమే కాకుండా సౌత్ లోనే టాప్ ప్లేస్ లో నిలిచినట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Bunny

MADDIBOINA AJAY KUMAR

18/11/2024 01:56 PM