అయితే తండ్రి ఇండస్ట్రీలోనే తోపు హీరోగా కొనసాగుతూ ఉన్నాడు అంటే ఇక అతని కొడుకు తప్పకుండా హీరోగా ఎంట్రీ ఇచ్చి అదరగొట్టేస్తాడు అని అభిమానులు ఆశలు పెట్టుకోవడం సహజం. ఇప్పటివరకు ఇలా అభిమానుల ఆశలను నిజం చేస్తూ ఎంతో మంది స్టార్ హీరోల వారసులు ఇండస్ట్రీలోకి హీరోలుగా ఎంట్రీ ఇచ్చారు. కొంతమంది మాత్రం అభిమానులను నిరాశపరిచిన వారు కూడా ఉన్నారు. కాగా ఇప్పుడు ఏకంగా బాలీవుడ్లో స్టార్ హీరోగా కొనసాగుతున్న షారుక్ ఖాన్ కొడుకు కూడా అభిమానులను నిరాశపరచబోతున్నాడా అంటే ఒక రకంగా అదే జరగబోతుంది అన్నది తెలుస్తుంది. ఎందుకంటే షారుఖ్ ఖాన్ ఇప్పుడు బాలీవుడ్ లోనే అతిపెద్ద హీరో. అలాంటి షారుక్ ఖాన్ కొడుకు ఇండస్ట్రీలో హీరోగా రావాలని అభిమానులు కోరుకోవడం సహజం.
అభిమానులు కోరుకున్నట్లుగానే షారుక్ ఖాన్ కొడుకు ఇండస్ట్రీ లోకి వస్తున్నాడు. కానీ హీరోగా కాదు ఏకంగా డైరెక్టర్ గా మారబోతున్నాడట. బాలీవుడ్ స్టార్స్ షారుఖ్ ఖాన్ కుమారుడు.. ఆర్యన్ ఖాన్ మెగా ఫోన్ పట్టుకోబోతున్నాడట. ఆర్యన్ త్వరలోనే ఒక వెబ్ సిరీస్ కు దర్శకత్వం వహించబోతున్నాడట. నెట్ ఫ్లిక్స్, రెడ్ చిల్లీస్ ఎంటర్టైన్మెంట్ సంస్థలు సంయుక్తంగా ఈ సిరీస్ ను తెరకెక్కిస్తూ ఉన్నాయట. ఈ సిరీస్తో తన కొడుకు ఆర్యన్ ఖాన్ ను దర్శకుడిగా పరిచయం చేస్తున్నట్లు షారుక్ అని చెప్పుకొచ్చాడు. అయితే ఇక నెట్ ఫ్లిక్స్ జనాలు బాలీవుడ్ ని సరికొత్తగా ఆస్వాదిస్తారు అంటూ షారుఖ్ ఖాన్ చెప్పుకొచ్చాడు. అయితే హీరోగా ఎంట్రీ ఇస్తాడు అనుకుంటే ఇలా ఆర్యన్ డైరెక్టర్గా మారడంతో ఫ్యాన్స్ ఒకింత నిరాశ చెందుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి