అయితే ఒకప్పుడు ఇలాంటి విషయాలను హీరోలు పెద్దగా బయటకి చెప్పేవారు కాదు. కానీ నేటి రోజుల్లో సోషల్ మీడియా కారణంగా హీరోలు ఇలాంటి పర్సనల్ విషయాలను కూడా బయటికి చెప్పేస్తూ అభిమానులతో షేర్ చేసుకుంటూ ఉన్నారు. ఇక ఇప్పుడు ఏకంగా ఇండస్ట్రీలో నెంబర్ వన్ హీరోగా కొనసాగుతున్న ఒక స్టార్ నటుడు ఫ్లాప్ వచ్చినప్పుడు తాను ఏకంగా బాత్రూంలోకి వెళ్లి మరి వెక్కి వెక్కి ఏడుస్తాను అంటూ చెప్పడం అభిమానులందరినీ కూడా షాక్ కి గురిచేస్తుంది. ఆ స్టార్ హీరో ఎవరో కాదు బాలీవుడ్ బాద్షా షారుక్ ఖాన్.
షారుక్ ఖాన్ కెరియర్ లో ఎన్ని ఇండస్ట్రీ హిట్ సినిమాలు ఉన్నాయో ప్రత్యేకంగా చెప్పాల్సిన పనిలేదు. అలాగే కొన్ని అట్టర్ ఫ్లాప్ మూవీస్ కూడా ఉన్నాయి. ఈ క్రమంలోనే సినిమాలు ఫ్లాప్ అయినప్పుడు తన ఫీలింగ్ ఎలా ఉంటుంది అన్న విషయాన్ని ఇటీవల షారుక్ ఖాన్ చెప్పుకొచ్చాడు. గతంలో తన సినిమాలు సరిగా ఆడని సమయంలో.. బాత్ రూమ్ కి వెళ్లి ఎంతగానో ఏడ్చేవాడిని అంటూ తెలిపాడు. సినిమాలు సరిగ్గా తీయక ప్రేక్షకులకు కనెక్ట్ కాలేకపోయినట్లు ఆ తర్వాత గుర్తించాను అంటూ చెప్పుకొచ్చాడు. మనం ఫెయిల్ అయినప్పుడు ఎక్కడ తప్పు జరిగిందో గుర్తించాలి. జీవితం తన పని తాను చేసుకుంటుంది. అంతేకాకుండా ప్రపంచం తమకు వ్యతిరేకం కాదు అన్న విషయాన్ని కూడా గ్రహించాలి అంటూ ఒక సమ్మిట్ లో అటు షారుక్ ఖాన్ చేసిన కామెంట్స్ వైరల్ గా మారిపోయాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి