ప్రస్తుతం గౌతమ్ తిన‌న్నూరి దర్శకత్వంలో ఓ సినిమా చేస్తున్నాడు. ఎంతో ప్రతిష్టాత్మకంగా భారీ బడ్జెట్ తో అలాగే రెండు భాగాలుగా ఈ సినిమా రాబోతుంది. సితార ఎంటర్టైన్మెంట్ బ్యానర్ పై సూర్యదేవ‌ర నాగవంశీ ఈ సినిమాను నిర్మిస్తున్నారు. రీసెంట్గా విడుదలైన ఫస్ట్ లుక్ పోస్టర్ కూడా సినిమాపై అంచనాలు పెంచేసింది. గీత గోవింద మూవీ తర్వాత అన్ని ప్లాప్ సినిమాలు చేశాడు విజయ్. లైగ‌ర్ సినిమాతో ఏకంగా తన కెరియర్ను భారీగా దెబ్బ తీసుకున్నాడు. అలాగే ఎన్నో అంచనాలతో వచ్చిన ఫ్యామిలీ స్టార్ కూడా విజయ్ కి భారీ రాడ్ ఏసింది. అలాగే గతంలో సుకుమార్ తో ఓ సినిమా ప్రకటించిన అది ఇంతవరకు ఎలాంటి అధికార ప్రకటన రాలేదు. పుష్ప 2 తర్వాత సుకుమార్ రామ్ చరణ్ తో సినిమా చేయడానికి రెడీ అవుతున్నట్లు తెలుస్తుంది.
ఇప్పుడు తాజాగా విజయ్ దేవరకొండ అభిమానులకు ఎవరు ఊహించని గుడ్ న్యూస్ బయటకు వచ్చింది. ఓ స్టార్ డైరెక్టర్ తో సినిమా చేయడానికి ఆయన ఒప్పుకున్నట్లు తెలుస్తుంది. ఆ దర్శకుడు మరెవరో కాదు మాట్ల మాంత్రికుడు త్రివిక్రమ్. నిజానికి పుష్ప2 తర్వాత అల్లు అర్జున్ తో త్రివిక్రమ్ సినిమా చేయాలి. అయితే ఈ మూవీపై ఎలాంటి క్లారిటీ లేదు. తాజాగా ఇప్పుడు మరో వార్త బయటకు వచ్చింది విజయ్ దేవరకొండతో సినిమా చేయడానికి త్రివిక్రమ్ అన్ని ఏర్పాట్లు చేసుకున్నట్లు తెలుస్తుంది. మహేష్ తో చేసిన గుంటూరు కారం ప్లాప్ అయి సంవత్సరం దాటుతున్న ఇంతవరకు త్రివిక్రమ్ తన కొత్త సినిమా ఏది మొదలుపెట్టలేదు. అలాగే మీడియా ముందు అధికారికంగా కూడా అలాంటి సినిమా గురించి చెప్పలేదు. అయితే త్రివిక్రమ్ చెప్పిన కథకు విజయ్ పచ్చజెండా ఊపినట్లు కూడా తెలుస్తుంది. వీరిద్దరి కాంబినేషన్లో వచ్చే సినిమా ఖచ్చితంగా హిట్ అవ్వటం ఖాయమని భావిస్తున్నారు. ఇక దీనిపై త్వరలోనే అధికార ప్రకటన వస్తుందని కూడా అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి