కానీ ఇప్పుడు ఏకంగా పాన్ ఇండియా స్టార్ హీరో ప్రభాస్ తో సినిమా చేస్తున్నాడని తెలిసి అందరూ ఆశ్చర్యపోతున్నారు. దానికి తగినట్లుగానే ప్రభాస్ కూడా ఇంతవరకు హార్రర్ కామెడీ జోనర్ లో నటించలేదు. ఇప్పుడు నటించనున్నాడు. ఈ విషయం తెలిసి ప్రతి ఒక్కరు ఆసక్తిగా ఎదురు చూస్తున్నారు. 2025 ఏప్రిల్, 10వ తేదీన ఈ సినిమా ప్రపంచవ్యాప్తంగా రిలీజ్ కానుంది. ఈ సినిమాలో ప్రభాస్ సరసన ఇద్దరు హీరోయిన్లు చేస్తున్నారు.
బాలీవుడ్ బ్యూటీ మాళవిక మోహనన్ తో పాటుగా నిధి అగర్వాల్ నటిస్తోంది. మొదట ఈ సినిమా గురించి అనౌన్స్మెంట్ వచ్చిన అనంతరం ప్రభాస్ ఏంటి మారుతీతో సినిమా చేయడం ఏంటి అంటూ ట్రోల్ చేశారు. ఎందుకంటే బాహుబలి సినిమా అనంతరం ప్రభాస్ చేసిన సినిమాలన్నీ పాన్ ఇండియా సినిమాలే. అలాంటి హీరో చిన్న డైరెక్టర్ మారుతితో సినిమా చేయడమేంటి అని అంతా అనుకున్నారు. కానీ మారుతీపై ప్రభాస్ నమ్మకం ఉంచి ఈ సినిమాను చేస్తున్నారు. అయితే రాజాసాబ్ సినిమాలోని స్పెషల్ సాంగ్ కోసం లేడీ సూపర్ స్టార్ నయనతారను సంప్రదిస్తున్నారంటూ ఓ రూమర్ సోషల్ మీడియాలో వైరల్ గా మారింది.
పాన్ ఇండియా మార్కెట్ ను దృష్టిలో పెట్టుకొని నయనతార అయితే ఈ స్పెషల్ సాంగ్ లో బాగుంటుందని అంత అనుకుంటున్నారట. నయనతార గతంలో ప్రభాస్ సరసన యోగి సినిమాలో హీరోయిన్ గా నటించిన సంగతి తెలిసిందే. అలానే మారుతి దర్శకత్వంలో బాబు బంగారం సినిమాలో హీరోయిన్ గా చేసింది. ఇప్పటికైతే ప్రభాస్ సినిమాలో స్పెషల్ సాంగ్ కోసం నయనతారను సంప్రదించారనేది ఓ రూమర్ మాత్రమే అని కొంతమంది అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి