గోవాలో జరిగిన ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో తెలుగు సినిమా ‘హను-మాన్’ చిత్రం ప్రదర్శించారు. ఇది ప్రేక్షకులను ఎంతగా ఆకట్టుకుంది. ప్రశాంత్ వర్మ దర్శకత్వం వహించిన ఈ సినిమా సూపర్ హిట్ అయిన సంగతి తెలిసిందే. అంజనాద్రి అనే ఒక కల్పిత గ్రామాన్ని నేపథ్యంగా చేసుకుని ఈ సినిమా తెరకెక్కింది. ఈ గ్రామంలో నివసించే చిన్న దొంగ హనుమంతు, అనుకోకుండా శ్రీ హనుమంతుడి రక్తపు బిందువును తాకి దైవిక శక్తులను పొందుతాడు. ఈ శక్తులతో అతను స్వయంగా సూపర్ హీరో అని చెప్పుకునే వ్యక్తితో భీకర యుద్ధానికి దిగుతాడు. పురాణాలు, మనిషి పట్టుదల వంటి అంశాలను కలిపి ఈ చిత్రం తెరకెక్కింది.
‘హను-మాన్’ సినిమాలో హనుమంతు పాత్రను పోషించిన నటుడు తేజ సజ్జ భారతీయ పురాణాల ఆధారంగా రూపొందించిన పాత్రను చాలా బాధ్యతతో పోషించాలని చెప్పాడు. తక్కువ బడ్జెట్‌తో ఈ సినిమాను తెరకెక్కించినప్పటికీ, భారీ బడ్జెట్ సినిమాలకు ఏమాత్రం తీసిపోని అద్భుతమైన విజువల్ ఎఫెక్ట్స్ పెట్టారు అందువల్లే ఈ సినిమా సూపర్ హిట్ అయింది. హైదరాబాద్‌లో అంజనాద్రి అనే గ్రామాన్ని పూర్తిగా సెట్‌లో నిర్మించడం ద్వారా వారి క్రియేటివిటీని ప్రదర్శించారు.
అయితే తేజ సజ్జ ఈ ఫిలిం ఫెస్టివల్ లో మాట్లాడుతున్న సమయంలో ఒక సీనియర్ సిటిజన్ స్టేజ్ మీదకి వచ్చాడు అంతే కాదు ఈ యువ హీరో కాళ్లపై పడిపోయాడు. దాంతో అందరూ ఆశ్చర్యపోయారు. వెంటనే తేజ సజ్జ ఆ ముసలాయన్ని లేపాడు. యువ హీరోనే నిజమైన హనుమంతుడు అని ఆ ముసలి వ్యక్తి భావించినట్లు ఉన్నాడు. అందుకే అలా తేజ సజ్జ కాళ్ళు మొక్కాడు. కానీ ఈ నటుడు మాత్రం తన కేవలం యాక్టర్ మాత్రమేనని నాకు మీరు దండం పెట్టడం ఏంటి అని ముసలాయనతో మాట్లాడినట్లుగా తెలుస్తోంది.
ఇక దర్శకుడు ప్రశాంత్ వర్మ ఈ సినిమా కోసం మూడు సంవత్సరాలు కష్టపడ్డారని తేజ సజ్జ ప్రశంసించారు. భారతదేశపు పురాణాలను ఆధునిక కథన శైలితో కలిపి ఈ చిత్రం తెరకెక్కిందని వివరించారు. ఈ సినిమా భారతీయ ప్రేక్షకులను మాత్రమే కాకుండా ప్రపంచవ్యాప్తంగా ఉన్న ప్రేక్షకులను కూడా ఆకట్టుకోవాలనేది వారి లక్ష్యమని తెలిపారు. ఈ సినిమాకి సీక్వెల్ గా ఒక పెద్ద సినిమా చేయబోతున్నామని కూడా అతని తెలిపాడు. ఫిమేల్ క్యారెక్టర్స్ కి ఒక అర్థం ఉండేలాగా హనుమాన్ సీక్వెల్ సినిమాలో చూపిస్తామని పేర్కొన్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి