విడాకులపై ఏఆర్ రెహమాన్ మాట్లాడుతూ.. మా వివాహ బంధం త్వరలో 30 సంవత్సరాలు పూర్తి చేసుకుంటుందని ఆనందించాను. కానీ, అనుకోకుండా వివాహ బంధానికి ఇలా ముగింపు పలకాల్సి వచ్చింది. విరిగిన హృదయాలు దేవుని కూడా ప్రభావితం చేస్తాయి. పలికిన ముక్కలు మళ్ళీ అతుక్కోలేవు. అందుకే మా దారులు వేరు అని తెలుసుకొని.. విడిపోతున్నాం. ఇలాంటి క్లిష్ట పరిస్థితులలో స్నేహితులు మమ్మల్ని అర్థం చేసుకుంటారని భావిస్తున్నాం అంటూ ఎక్స్ వేదికగా ఓ ఎమోషనల్ పోస్ట్ కూడా చేశారు.ఈ క్రమంలోనే రెహమాన్‌పై తప్పుడు ప్రచారం జరుగుతోంది. తన శిష్యురాలపై మనసు పారేసుకుని రెహమాన్ తన భార్యకు విడాకులు ఇచ్చారనే ప్రచారం జరుగుతోంది.అయితే రెహమాన్ - సైరా బానులు విడాకులు ప్రకటించిన రోజునే ఆయన శిష్యురాలు, బాసిస్ట్ మోహిని డే కూడా తన భర్త నుంచి విడిపోతున్నట్లు తెలిపింది. దీంతో సోషల్ మీడియాలో పలు వార్తలు గుప్పుమన్నాయి. రెహమాన్ కు మోహినికి రిలేషన్ కలుపుతూ ఇష్టానుసారంగా రూమర్స్ క్రియేట్ చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి