ఇక ఆ తర్వాత వీరి కాంబినేషన్లో వచ్చిన ఆర్య 2 సినిమా యావరేజ్ టాక్ సొంతం చేసుకున్నప్పటికీ ఈ సినిమాలో అల్లు అర్జున్ లుక్స్ యాక్టింగ్ కి మాత్రం మంచి పేరు వచ్చింది అని చెప్పాలి. ఇక ఇటీవల పుష్ప సినిమాతో ఏకంగా అల్లు అర్జున్ ను పాన్ ఇండియా రేంజ్ హీరోగా మార్చేశాడు సుకుమార్. ఈ నేపథ్యంలో తొలి చిత్రం గంగోత్రి తర్వాత ఏడాది పాటు ఏ ఒక్కరు తనతో కలసి పనిచేసేందుకు రాలేదని ఐకాన్ స్టార్ అల్లుఅర్జున్ తెలిపారు.అయితే ఆర్య మూవీ సమయంలో సుకుమార్తో నడవాలని నిర్ణయం తీసుకోవడం వల్లే ఈరోజు ఈ స్థాయిలో ఉన్నాను అంటూ అల్లు అర్జున్ పుష్ప 2 స్పెషల్ సాంగ్ రిలీజ్ ఈవెంట్ లో చెప్పుకొచ్చారు. ఆరోజు వేరే నిర్ణయం తీసుకుని ఉంటే ఈ స్థాయిలో ఉండే వాడిని కాదు అంటూ తెలిపాడు. ఒకానోకు సమయంలో నేను వెనక్కి తిరిగి చూసుకుంటే ఇంత దూరం ఎలా వచ్చాను అని భావిస్తే నాకు సుకుమారు కనిపించారు అంటూ బన్నీ ఎమోషనల్ కామెంట్స్ చేశాడు. గుండె మీద చేయి వేసుకొని నేను ఒకే మాట చెప్పగలను. సుకుమార్ లేకపోతే నేను లేను.నేను లైఫ్ లాంగ్ అతనికి రుణపడి ఉంటా అంటూ తన కృతజ్ఞత భావాన్ని చాటుకున్నాడు అల్లు అర్జున్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి