ఐకాన్ స్టార్ అల్లు అర్జున్ అప్ కమింగ్ మూవీ పుష్ప 2డిసెంబర్ ఐదున వరల్డ్ వైడ్ గా విడుదల కాబోతున్న విషయం తెలిసిందే. దీంతో మేకర్స్ ప్రమోషన్స్ లో వేగాన్ని పెంచారు.ఈ మేరకు కొన్నిరోజుల క్రితం బీహార్ లోట్రైలర్ రిలీజ్ చేసిన చిత్ర బృందం నిన్న చెన్నై వేదికగా ఒక సాంగ్ ని రిలీజ్ చేసింది.అత్యంత భారీగా ఏర్పాటు చేసిన ఈ ఈవెంట్ లో అల్లు అర్జున్, హీరోయిన్ రష్మిక తో పాటు చిత్ర బృందం మొత్తం పాల్గొంది.ఈ నేపథ్యంలో చెన్నైలో జరిగిన కార్యక్రమంలో స్టేజి మీద దేవి శ్రీ ప్రసాద్ ఆయన మనసులో బయట పెట్టేశారు.దేవిశ్రీ మాట్లాడుతూ.. ‘‘పుష్ప’ మా అందరికీ ప్రత్యేకం. మనకు ఏది కావాలన్నా అడిగి తీసుకోవాలి. నిర్మాతలు ఇచ్చే పారితోషికమైనా.. తెరపై మన పేరైనా సరే.. అడగకపోతే ఎవరూ ఇవ్వరు. కరెక్టే కదా బన్నీ? అంటూ దేవి శ్రీ తన దైన స్టైల్ లో నిర్మాతలకు చురకులు అంటించాడు. దీంతో పుష్ప 2 సంగీతం విషయంలో గొడవలు జరుగుతున్నాయనే విషయం మరోసారి స్పష్టం అయిపోయింది.ఇదిలావుండగా ఈ విషయం పై అల్లుఅర్జున్ స్పందిస్తూ నా చిన్ననాటి స్నేహితుడు దేవిశ్రీ ప్రసాద్ మంచి ప్రత్యేకంగా చెప్పాలి. నాకు ఎన్నో సినిమాలలో ఎంతో మంచి హిట్స్ ఇచ్చాడు. దేవిశ్రీ అందరికీ మ్యూజిక్ ఇస్తాడు. నాకు ప్రేమ కూడా ఇస్తాడు. దేవి లేకపోతే నా ప్రయాణం పూర్తవదు అని బన్నీ అన్నారు.అలాగే ఎక్కడికి వెళ్ళినా కూడా చెన్నైకి వచ్చినప్పుడు వచ్చే ఫీల్ వేరు. చెన్నై తో నాకు ఒక ఎమోషనల్ అటాచ్మెంట్ ఉంటుంది, నా తొలి 20 ఏళ్ల జీవితాన్ని చెన్నైలో నేను గడిపాను. ‘పుష్ప అంటే ఫ్లవర్ అనుకుంటున్నారా, ఫైర్ అనుకుంటున్నారా, వైల్డ్ ఫైర్’. డిసెంబర్ 5వ తేదీన ప్రపంచవ్యాప్తంగా మీ ముందుకు రాబోతున్నాను. అని బన్నీ పేర్కొన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి