టాలీవుడ్ ఇండస్ట్రీలోకి ఎంట్రీ ఇచ్చిన తక్కువ కాలంలోనే అద్భుతమైన గుర్తింపును సంపాదించుకున్న యంగ్ బ్యూటీలలో శ్రీ లీల ఒకరు. ఈమె శ్రీకాంత్ తనయుడు రోషన్ హీరోగా రూపొందిన పెళ్లి సందD అనే సినిమాతో తెలుగు పరిచయం అయింది. ఈ మూవీ ద్వారా ఈమెకు అద్భుతమైన గుర్తింపు లభించింది. ఇక ఈ సినిమా తర్వాత రవితేజ హీరోగా రూపొందిన ధమాకా అనే మాస్ కమర్షియల్ ఎంటర్టైనర్ మూవీలో ఈమె హీరోయిన్గా నటించింది. ఈ మూవీ మంచి విజయాన్ని అందుకోవడం , ఇందులో శ్రీ లీల తన నటనతో , డాన్స్ తో , అందాలతో ప్రేక్షకులను కట్టి పడడంతో ఈమెకు అవకాశాలు వరుసగా పెరిగాయి. దానితో ఈమె చాలా సినిమాలలో ఇప్పటికే నటించింది.

ఇకపోతే పోయిన సంవత్సరం ఈ బ్యూటీ చాలా సినిమాలతో ప్రేక్షకుల ముందుకు వచ్చింది. ఈ బ్యూటీ నటించిన స్కంద , ఎక్స్ట్రా ఆర్డినరీ మ్యాన్ , ఆది కేశవ , భగవంత్ కేసరి సినిమాలు పోయిన సంవత్సరం విడుదల అయ్యాయి. ఇక ఈ సంవత్సరం ప్రారంభంలో మహేష్ బాబు హీరోగా రూపొందిన గుంటూరు కారం సినిమాతో ఈ బ్యూటీ ప్రేక్షకులను పలకరించింది. ఈ మూవీ పరవాలేదు అనే స్థాయి విజయాన్ని అందుకుంది.

ఇకపోతే ప్రస్తుతం అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో పుష్ప పార్ట్ 2 మూవీ రూపొందుతున్న విషయం మనకు తెలిసిందే. ఈ సినిమాలో శ్రీ లీల స్పెషల్ సాంగ్లో నటించింది. నిన్న ఈ బ్యూటీ పుష్ప పార్ట్ 2 సినిమాలో చేసిన స్పెషల్ సాంగ్ లిరికల్ వీడియోను ఈ మూవీ యూనిట్ విడుదల చేసింది. ఈ లిరికల్ వీడియో సాంగ్ కి జనాల నుండి రెస్పాన్స్ లభిస్తుంది. మరి థియేటర్లలో ఈ సినిమాలోని ఈ స్పెషల్ సాంగ్ కి ప్రేక్షకుల నుండి ఎలాంటి రెస్పాన్స్ లభిస్తుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Sreeleela

MADDIBOINA AJAY KUMAR

25/11/2024 04:49 PM