నేచురల్‌ స్టార్‌ హీరోగా గతేడాది రిలీజ్ అయిన సినిమా దసరా. శ్రీకాంత్ ఓదెల తెరకెక్కించిన ఈ సినిమా సూపర్ హిట్ గా నిలిచింది. అటు కలెక్షన్స్ పరంగాను ఈ సినిమా నాని కెరీర్ హయ్యెస్ట్ కలెక్షన్స్ రాబట్టింది. దసరా సూపర్ హిట్ కావడంతో శ్రీకాంత్ ఓదెలకు మరో సినిమా చేసేదుకు గ్రీన్ సిగ్నల్ ఇచ్చాడు నేచురల్ స్టార్. నాని కెరీర్ లో అత్యంత భారీ బడ్జెట్ తో రానుంది ఆ చిత్రం.కాగా ఇటీవల ఈ సినిమా టైటిల్ ను ప్రకటించారు మేకర్స్. సికింద్రాబాద్ కథ నేపథ్యంలో తెరకెక్కుతున్న ఈ సినిమాకు ‘ది ప్యారడైజ్’ అనే టైటిల్ ను ఫిక్స్ చేస్తూ అఫీషియల్ పోస్టర్ రిలీజ్ చేశారు. కాగా ఈ సినిమాలో విలన్ పాత్రకు చాలా ఇంపార్టెన్స్ ఉందట. ఆ రోల్ లో నటించేందుకు సీనియర్ యాక్టర్ ను తీసుకునేందుకు పలు పేర్లు పరిశీలించాడట దర్శకుడు శ్రీకాంత్ ఓదెల. ఫైనల్ గా టాలీవుడ్ కు చెందిన ప్రముఖ నటుడు డైలాగ్ కింగ్ మోహన్ బాబు అయితే సరిగా సెట్ అవుతారని ఆయనను సంప్రదించారట దర్శకుడు. కథ అందులోని విలన్ రోల్ యొక్క నేపధ్యాన్ని వివరించగా అందుకు మోహన్ బాబు కూడా గ్రీన్ సిగ్నల్ ఇచ్చినట్టు తెలుస్తోంది. జనవరి నుంచి ఆయన మూవీ షూట్ లో పాల్గొంటారని సమాచారం.దసరా సినిమాలో విలన్ పాత్ర కోసం మలయాళ నటుడు టామ్ చాకో ను తెలుసుకున్నాడు దర్శకుడు. ఈ సారి మోహన్ బాబు, నేచురల్ స్టార్ నాని కాంబోలో వచ్చే సీన్స్ సినిమాకే హైలెట్ గా నిలుస్తాయని యూనిట్ గట్టిగా చెప్తోంది. త్వరలోనే అఫీషియల్ అనౌన్స్మెంట్ రానుంది.ప్రస్తుతం మోహన్ బాబు కన్నప్ప మూవీ లో నటిస్తున్నారు.ఇకపోతే నాని హీరో గానే కాకుండా నిర్మాతగా కూడా బిజీగా మారిన విషయం తెలిసిందే. ఇకపోతే 2014లో నిర్మాతగా మారిన నాని ‘డీ ఫర్ దోపిడీ’ అనే చిత్రాన్ని నిర్మించారు. ఆ తర్వాత ‘ఆ!’ అనే చిత్రానికి నిర్మాతగా వ్యవహరించి, మరో విజయాన్ని తన ఖాతాలో వేసుకున్నారు. ఇక ‘బిగ్ బాస్ సీజన్ 2’ కి హోస్ట్ గా కూడా వ్యవహరించిన ఈయన చివరిగా ‘సరిపోదా శనివారం’ అనే సినిమాలో నటించారు. మరోవైపు హిట్ ఫ్రాంచైజీలకి కూడా ఈయనే నిర్మాతగా వ్యవహరిస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

27/11/2024 09:30 AM