తేజ సజ్జ తెలుగు పేక్షకులకు పరిచయం అక్కర్లేని పేరు. చైల్డ్ ఆర్టిస్ట్ గా కెరీర్ మొదలుపెట్టిన సజ్జ జాంబిరెడ్డి సినిమాతో హీరోగా పరిచయమయ్యాడు. లాక్ డౌన్ సమయంలో వచ్చిన ఈ సినిమా మంచి విజయాన్ని సొంతం చేసుకుంది. కామెడీ హార్రర్ సినిమాగా ప్రేక్షకులను ఆకట్టుకుంది. ఈ సినిమాకు ముందు సజ్జ హిట్ కొడతాడా.. లేదా అన్న అనుమానం చాలా మందిలో ఉండేది. కానీ జాంబిరెడ్డి తర్వాత తన టాలెంట్ ను నిరూపించుకున్నాడు. ఈ సినిమా విజయం ఊపుతూనే సజ్జ హనుమాన్ సినిమాతో ప్రేక్షకుల ముందుకు వచ్చాడు.

తెలుగుతోపాటు తమిళ హిందీ భాషల్లోనూ హనుమాన్ విడుదల చేశారు. భారీ కలెక్షన్లతో హనుమాన్ ప్రేక్షకుల మనసు దోచుకుంది. ఇతర భాషల్లో ఆశించిన ఫలితాలు రాకపోయినప్పటికీ టాలీవుడ్ లో మాత్రం డీసెంట్ హిట్ గా నిలిచింది. హనుమాన్ తర్వాత ఇప్పుడు మిరాయ్ సినిమాతో సజ్జ పేక్షకుల ముందుకు వస్తున్నాడు. కార్తీక్ ఘట్టమనేని ఈ సినిమాకు దర్శకత్వం వహిస్తుండగా పీపుల్ మీడియా ఫ్యాక్టరీ నిర్మాణంలో సినిమా తెరకెక్కుతోంది. ఇప్పటికే సినిమాకు సంబంధించిన గ్లింప్స్, పోస్టర్ రిలీజ్ చేయగా భారీ అంచనాలు నెలకొన్నాయి. ఈ చిత్రంలో మరో హైలెట్ ఏంటంటే మంచు  మనోజ్ విలన్ గా నటించాడు.

అశోకుడు రాసిన ఓ అపార గ్రంధం కోసం జరిగే పోరాటం నేపథ్యంలో ఈ సినిమాను తెర కెక్కించినట్టు తెలుస్తోంది. 2025 ఏప్రిల్ 18న ఈ సినిమాను విడుదల చేయనున్నారు. దసరా సందర్భంగా సినిమా పోస్టర్ రిలీజ్ చేయగా భారీ స్పందన వచ్చింది. ఇక తాజాగా ఈ సినిమా ఆడియో రైట్స్ భారీ రేటుకు అమ్ముడుపోవడం విశేషం. మిరాయ్ తెలుగుతోపాటు ఇతర భాషల్లో విడుదల కానుండగా సినిమా ఆడియో హక్కులను అన్ని భాషల్లో టిప్స్ మ్యూజిక్ రూ.2.75 కోట్లకు సొంతం చేసుకుంది. చిన్న హీరోగా కెరీర్ ప్రారంభించిన తేజకు అడియో హక్కులకే ఈ రేంజ్ లో రావడం అనేది గొప్ప విషయం అని చెప్పుకోవాలి. మరి ఈ సినిమా ఎలాంటి విజయం సాధిస్తుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

teja sajja

MADDIBOINA AJAY KUMAR

27/11/2024 07:08 PM