డిసెంబర్ నెల 5వ తేదీన పుష్ప ది రూల్ మూవీ థియేటర్లలో విడుదల కానుంది. అయితే ఈ సినిమా కోసం అభిమానులు ఆసక్తిగా ఎదురుచూస్తున్నారు. తాజాగా ఒక అభిమాని బన్నీపై అభిమానాన్ని కొత్తగా చాటుకున్నారు. దివ్యాంగుడైన ఆ అభిమాని కాళ్లతో బన్నీ చిత్రాన్ని గీసి అద్భుతమైన కళాఖండాన్ని ఆవిష్కరించి ప్రశంసలు అందుకుంటున్నారు. ఇందుకు సంబంధించిన వీడియో నెట్టింట వైరల్ అవుతోంది.
అభిమాని ట్విట్టర్ లో వీడియోను పోస్ట్ చేయడంతో పాటు బన్నీ సార్ దయచేసి నా కళను చూడాలని మీకోసం పుష్ప బొమ్మను గీశానని మిమ్మల్ని కలవాలన్న కోరిక ఉందని ఇట్లు ధీరజ్ సాత్విల్కర్ అని పేర్కొన్నారు. ఈ వీడియో సోషల్ మీడియా వేదికగా వైరల్ కావడంతో పాటు బన్నీ దృష్టికి వచ్చింది. నా గుండెను టచ్ చేశావ్ అంటూ బన్నీ అతనికి సమాధానం ఇవ్వడం గమనార్హం.
రాబోయే రోజుల్లో ఆ అభిమానిని బన్నీ కలుస్తారేమో చూడాల్సి ఉంది. బన్నీ ఫ్యాన్స్ సైతం ధీరజ్ పై ప్రశంసల వర్షం కురిపిస్తున్నారు. బన్నీ పుష్ప ది రూల్ సినిమాతో సరికొత్త రికార్డులను క్రియేట్ చేయాలని ఫ్యాన్స్ ఫీలవుతున్నారు. పుష్ప ది రూల్ ఫస్ట్ డే టికెట్ల కోసం ఊహించని స్థాయిలో పోటీ నెలకొంది. పుష్ప ది రూల్ కోసం బన్నీ ఏకంగా 300 కోట్ల రూపాయల రెమ్యునరేషన్ అందుకున్నారు. నార్త్ లో సైతం పుష్ప ది రూల్ పై అంచనాలు భారీ స్థాయిలో ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి