టాలీవుడ్ లెజెండ‌రీ మ్యూజిక్ డైరెక్టర్లలో కీరవాణి ఒకరు. 1990వ దశకం నుంచి కీరవాణి టాలీవుడ్ లో సంగీత దర్శకుడుగా కొనసాగుతున్నారు. కెరీర్ బిగినింగ్ లో ఆయనకి సీతారామయ్యగారి మనవరాలు - మెగాస్టార్ చిరంజీవి ఘరానా మొగుడు - విక్టరీ వెంకటేష్ క్షణక్షణం లాంటి అద్భుతమైన సినిమాలు మంచి గుర్తింపు తీసుకువచ్చాయి. అక్కడి నుంచి కీరవాణి అస్సలు వెనక్కి తిరిగి చూసుకోలేదు. ఇక ఇప్పుడు తెలుగు సినిమా ఖ్యాతిని ప్రపంచవ్యాప్తంగా చాటిచెప్పిన దర్శకుదీరుడు రాజమౌళి సినిమా అంటేనే కీరవాణి మ్యూజిక్ డైరెక్టర్ గా ఫిక్స్. స్టూడెంట్ నెంబర్ వన్ నుంచి త్రిబుల్ ఆర్ సినిమా వరకు త్వరలో మొదలు కాబోతున్న మహేష్ బాబు సినిమాకు కూడా కీరవాణి సంగీత దర్శకుడు. కీరవాణికి రాజమౌళికి బాగా సింక్‌ కుదిరింది. ఇదిలా ఉంటే వివాదాస్పద దర్శకుడు రాంగోపాల్ వర్మతో గతంలో జరిగిన చిట్ చాట్ లో కీరవాణి సంచలన వ్యాఖ్యలు చేశారు.
తన సినిమాల్లో హిట్‌ అయిన సినిమా పాటలు కంటే ... ప్లాప్ మూవీ పాటలు బాగున్నాయని చెప్పేవారే తనకు ఇష్టం అని కీరవాణి అన్నారు. అందుకు రాజమౌళిని ఉదాహరణగా చెప్పారు. సింహాద్రి సినిమాకు తాను మొత్తం ప్లాప్ ట్యూన్స్‌ ఇచ్చానని .. తన పాత సినిమాల్లో ప్లాప్ సాంగ్స్ ని రాజమౌళికి వినిపించగా అవే పాటలు సింహాద్రి కి కావాలని అన్నాడని ... అవి ప్లాప్ కదా అంటే లేదు నేను ఆ సాంగ్స్ కి స్క్రీన్ పై బాగా ప్రజెంట్ చేస్తాను అని చెప్పాడు. అలా కొన్ని సినిమాల్లో ప్లాప్ ట్యూన్స్‌ కాపీ కొట్టి కాస్త మార్చే సింహాద్రి సినిమాకు ఇచ్చాను .వాటిని రాజమౌళి చిత్రీకరించాడని కీరవాణి తెలిపారు.
ఇక రమ్యకృష్ణ చీకులమ్మే చిన్నది కావాలి అనే ఐటెం సాంగ్ అసలు గుట్టు కూడా కీరవాణి విప్పారు. వినోద్ - ఊహ జంటగా నటించిన సమర్పణ సినిమా.. 1992లో విడుదలైంది. ఆ సినిమాలో చీకలమ్మే సాంగ్ ఉంది. ఆ పాటనే కాస్త రీమిక్స్ చేసి ఇచ్చాను అని తెలిపారు. ఇది నిజంగా పెద్ద షాకింగ్ విషయం అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి