రాజమౌళి బాహుబలి ,ఈగ సినిమాలకు అసిస్టెంట్ డైరెక్టర్ గా పనిచేసిన అశ్విన్ గంగరాజు దర్శకత్వంలో రిషబ్ శెట్టి హీరోగా ఓ సినిమా చేస్తున్నారని తెలుస్తుంది. అశ్విన్ గంగరాజు ఇప్పటికే ఆకాశవాణి అనే సినిమాకి దర్శకత్వం కూడా వహించాడు. ఇక త్వరలోనే రిషబ్ తో ఆయన కొత్త సినిమాను అనౌన్స్ చేయబోతున్నారు. పీరియాటికల్ స్టోరీ తో యాక్షన్ సినిమాగా ఈ మూవీని తెరకెక్కించబోతున్నారట. ఇక ఈ సినిమాలో రిషబ్ శెట్టి సోలో హీరోగా కనిపించనున్నాడు. ఈ సినిమా క్యారెక్టర్ ఇంకా రివిల్ కాలేదు .. కథలోని బలం కొత్తదనం న‌చ్చి రిషబ్ శెట్టి ఈ సినిమా చేయడానికి ఓకే చెప్పారని అంటున్నారు. అలాగే ఈ సినిమాకు సంబంధించిన ఇతర పాత్రల ఎంపిక కూడా జరుగుతుందట.
ఇక ఈ సినిమాను టాలీవుడ్ అగ్ర నిర్మాణ సంస్థగా ఎదుగుతున్న సితార ఎంటర్టైన్మెంట్స్ బ్యానర్ పై నాగ వంశీ నిర్మించబోతున్నారట. రిషబ్ శెట్టి ప్రస్తుతం ‘కాంతార చాప్తర్ 1’ సినిమా షూటింగ్లో బిజీగా ఉన్నాడు . సినిమా క్లైమాక్స్ చిత్రీకరణ జరుగుతోంది. రిషబ్ శెట్టి ఈ సినిమాలో హాలీవుడ్ టెక్నీషన్స్ తో పని చేస్తున్నాడు. దీని తర్వాత తెలుగులో ‘జై హనుమాన్’ సినిమా షూటింగ్ ప్రారంభం కానుంది. ఆ తర్వాత అశ్విన్ గంగరాజు దర్శకత్వంలో రిషబ్ శెట్టి ఓ సినిమాలో నటించనున్నాడు. ఇక ఈ సినిమాకు దర్శక ధీరుడు రాజమౌళి కూడా సమర్పకుడిగా ఉంటూ కొన్ని సన్నివేశాలను ఆయన తెర్కక్కించే అవకాశం ఉందని కూడా అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి