ఇక ఒక్కో భాషలో ఒక్కో సూపర్ స్టార్ బిగ్ బాస్ కార్యక్రమాన్ని హోస్టు చేస్తూ అదనపు హంగులు అద్దుతూ ఉన్నారు అని చెప్పాలి. ప్రస్తుతం తెలుగులో ఎనిమిదవ సీజన్ నడుస్తోంది. 13 వారాలు పూర్తిచేసుకుని 14వ వారంలోకి అడుగు పెట్టింది. అయితే కన్నడంలో ప్రస్తుతం 11 వ సీజన్ నడుస్తూ ఉండగా కిచ్చ సుదీప్ హోస్ట్ గా వ్యవహరిస్తున్నారు. అయితే గతంలో తెలుగు బిగ్ బాస్ షోలో సందడి చేసిన శోభా శెట్టి అటు తమిళ బిగ్ బాస్ లోకి కూడా వెళ్ళింది. వైల్డ్ కార్డు ద్వారా కన్నడ బిగ్ బాస్ షోలో అడుగుపెట్టింది. అయితే రావడంతోనే భజన కార్యక్రమం మొదలు పెట్టడంతో హోస్ట్ సుదీప్ ఆమెకు షాక్ ఇచ్చారు. ఇక శోభ హౌస్ లో అడుగు పెట్టిన తర్వాత అక్కడ మొత్తం కల్లోలం మొదలైంది. కంటెస్టెంట్స్ తో గొడవలు పెట్టుకోవడంతో.. అక్కడివాళ్లకు అందరికీ విసుగు పుట్టింది. ఇటీవలే బిగ్ బాస్ తాజా ఎపిసోడ్ కు సంబంధించిన ప్రోమో రిలీజ్ అయింది. తాను హౌస్ లో ఉండలేకపోతున్నాను. ఎలిమినేట్ చేయాలని పోస్ట్ సుదీప్ ని కోరుతూ కన్నీటి పర్యంతమైంది. అయితే సుదీప్ మరోసారి పునరాలోచించుకోవాలని ఛాన్స్ ఇచ్చినప్పటికీ శోభా తగ్గకపోవడంతో చివరికి బిగ్ బాస్ తో చెప్పి తలుపులు తెరిపించాడు. దీంతో ఇది చూసి అందరూ షాక్ అవుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి