త్రిబుల్ ఆర్ తర్వాత పాన్ ఇండియా రేంజ్ లో గుర్తింపును సంపాదించుకున్నాడు జూనియర్ ఎన్టీఆర్. పుష్ప సినిమాతో అదే రేంజ్ లో క్రేజ్ సంపాదించుకోగలిగాడు అల్లు అర్జున్. ఇక ఇద్దరు కూడా టాప్ హీరోలుగా కొనసాగుతున్నారు అని చెప్పాలి. అయితే ఇలా ఇండస్ట్రీలో స్టార్ హీరోలుగా కొనసాగుతున్న జూనియర్ ఎన్టీఆర్, అల్లు అర్జున్ లు ప్రస్తుతం ఒకే రకమైన సమస్యను ఎదుర్కొంటున్నారు. వంశాల గోల లేకుండా తమకు తాము సొంతంగా ఒక వ్యవస్థను సృష్టించుకోడానికి ప్రయత్నిస్తున్నారు ఇద్దరు స్టార్ హీరోలు.
నందమూరి అనే ఒక భారీ బ్యాక్ గ్రౌండ్ తోనే ఇండస్ట్రీకి పరిచయమయ్యాడు జూనియర్ ఎన్టీఆర్. అయితే మొదట్లో నందమూరి ఫ్యామిలీ నుంచి పెద్దగా మద్దతు లేకపోయినా ఇక తన కష్టాన్ని నమ్ముకుని ఇప్పుడు స్టార్ హీరోగా ఎదిగాడు. ఇప్పుడు ఏ సినిమా ఈవెంట్ లో కూడా నందమూరి బాలకృష్ణ పేరు తీయకుండానే ఇక తన కంటూ ప్రత్యేకమైన వ్యవస్థను స్థాపించుకోవడానికి ప్రయత్నిస్తున్నాడు ఎన్టీఆర్. దీంతో ఈ విషయం ఎన్టీఆర్ పై కొందరిలో నెగెటివిటీ కి కారణం అవుతుంది. మరోవైపు అల్లు అర్జున్ మెగా హీరో అనే ట్యాగ్ తో సినిమాలోకి ఎంట్రీ ఇచ్చినప్పటికి గత కొంతకాలం నుంచి తనకంటూ ప్రత్యేకంగా ఒక వ్యవస్థను స్థాపించుకోవడానికి ప్రయత్నిస్తున్నారు. దీంతో కెరియర్ తొలినాళ్లలో లాగా ఈ మధ్యకాలంలో సినిమా ఫంక్షన్లలో తన మామయ్యలు చిరంజీవి, పవన్ కళ్యాణ్ పేరు తీయట్లేదు. దీంతో అటు అల్లు అర్జున్ కూడా నెగెటివిటీని ఎదుర్కొంటున్నారు. ఇలా ఇద్దరు హీరోలు ఒకే ప్రాబ్లం ఎదుర్కొంటున్నారు అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి