ఈ క్రమంలో నే ఎన్టీఆర్ దర్శకత్వం వహించి త్రిపాత్రాభినయం చేసిన దానవీర శూర కర్ణ చిత్రాన్ని ఆమె గుర్తు చేసుకుంటూ ఆసక్తికర వ్యాఖ్యలు చేశారు. ఒక వైపు నటిస్తూ మరోవైపు దర్శకత్వం చేయడం అలాంటి చిత్రానికి చాలా కష్టం. అందరికన్నా ఎక్కువ కాస్ట్యూమ్స్ ఎన్టీఆర్ గారికే ఉండేది. మూడు పాత్రల్లో నటించాలి. మేకప్ కి కొన్ని గంటలు పట్టేది.మేము ఉదయం 7 గంటలకు వెళ్లి మేకప్ కాస్ట్యూమ్స్ వేసుకుంటే మధ్యాహ్నం 1 గంటవరకు తీయడానికి లేదు. కనీసం వాష్ రూమ్ కి వెళ్ళడానికి కూడా వీల్లేదు. ఎందుకంటే మేకప్ పాడై పోతుంది. మేకప్ అసిస్టెంట్ వచ్చి మేడం నీళ్లు ఎక్కువగా తాగకండి అని చెప్పేవారు. ఎన్టీఆర్ గారు అయితే మేకప్ వేసుకుని కదలకుండా అలాగే కూర్చుండిపోయేవారు.ఆయన దుర్యోధనుడి గెటప్ లో ఉన్నప్పుడు ఛాతీ విరుచుకుని నడుస్తూ ఆ రౌద్రం ప్రదర్శించేవారు. మళ్ళీ కృష్ణుడి గెటప్ వేయగానే సరళంగా సౌమ్యంగా మారిపోయేవారు. అప్పటి వరకు ఉన్న బాడీ లాంగ్వేజ్ పూర్తిగా మారిపోయేది. ఈయనకి నిజంగానే దేవుడు పూనాడా అని ఆశ్చర్యపోయేవాళ్ళం అంటూ ప్రభాస్ వ్యాఖ్యలు చేశారు.అలా మూడు పాత్రల్లో వేరియషన్స్ చూపిస్తూ, దర్శకత్వం చేస్తూ, కేజీల కేజీల మేకప్, కాస్ట్యూమ్స్ భరిస్తూ నటించడం ఆయనకి మాత్రమే చెల్లింది. ఎన్టీఆర్ గారు నిజంగా కారణజన్ముడు అని ప్రభ ప్రశంసలు కురిపించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి