సుకుమార్ దర్శకత్వంలో అల్లు అర్జున్ హీరోగా నటించిన పుష్ప 2 మూవీ డిసెంబర్ 5వ తేదీన విడుదల కానున్న విషయం తెలిసిందే. సినిమా విడుదలకు మరికొన్ని గంటలు మాత్రమే సమయం ఉంది.దీంతో ఈ సినిమా పేరు మారుమోగుతోంది.ఇక అల్లు అర్జున్ కు జోడీగా ఈ లో రష్మిక మందన్న కథానాయికగా కనిపించనుంది. పుష్ప పార్ట్ 1లో సమంత దుమ్మురేపే స్పెషల్ సాంగ్ చేసినట్టే.., పుష్ప 2లో కూడా అదిరిపోయే స్పెషల్ సాంగ్ ఉండనుంది. ఈ సాంగ్ లో బన్నీతో కలిసి డాన్సింగ్ క్వీన్ శ్రీలీల స్టెప్పులేయనుంది. అయితే ఈసారి సమంత కాదు శ్రీలీల ఈ డాన్స్ ను ప్రదర్శించబోతోంది. అల్లు అర్జున్ ‘పుష్ప’ కోసం ఐదేళ్లు వెచ్చించారు. ఇదిలావుండగా రిలీజ్ ఇంత దగ్గర పడ్డా కూడా ఇంకా ఓ విషయంలో క్లారిటీ రావట్లేదు.రిలీజ్ ముంగిట పుష్ప-2 టీంతో పాటు సోషల్ మీడియాను కుదిపేసిన బ్యాగ్రౌండ్ స్కోర్ గొడవ ఇప్పటికీ కొనసాగుతూనే ఉంది. దేవిశ్రీ ప్రసాద్ పనితనం నచ్చక ఈ సినిమాలో కొన్ని ఎపిసోడ్లకు బ్యాగ్రౌండ్ స్కోర్ అందించే బాధ్యతను సుకుమార్ తమన్, అజనీష్ లోక్‌నాథ్, సామ్ సీఎస్‌లకు అప్పగించడం సంచలనం రేపిన సంగతి తెలిసిందే.

ఈ విషయంలో దేవిశ్రీ ఎంత ఫీలయ్యాడో ఈ మధ్య చెన్నైలో జరిగిన ప్రమోషనల్ ఈవెంట్లోనే స్పష్టమైంది. ఐతే సుక్కు తీసుకున్న నిర్ణయంతో దేవి చాలా కసిగా పని చేసి కొన్ని ఎపిసోడ్లను వేరే లెవెల్‌కు తీసుకెళ్లేలా బీజీఎం చేసి ఇచ్చాడన్నది టాక్.ఐతే సామ్ సీఎస్ కూడా తనకు అప్పగించిన ఎపిసోడ్లకు అదిరిపోయే స్కోర్ ఇచ్చినట్లు సమాచారం. ఐతే సినిమాలో తన వర్క్ ఎంత మేర ఉంటుందో అతడికీ క్లారిటీ లేనట్లే కనిపిస్తోంది. రిలీజ్ ముంగిట అతను పెట్టిన ఒక పోస్టులో క్లైమాక్స్ ఎపిసోడ్‌కు తనే స్కోర్ అందించినట్లు పేర్కొన్నాడు.కానీ సోమవారం రాత్రి జరిగిన ప్రి రిలీజ్ ఈవెంట్లో సుకుమార్ మాట్లాడుతూ.. క్లైమాక్స్‌కు దేవి అదిరిపోయే స్కోర్ ఇచ్చాడని వ్యాఖ్యానించాడు. దీంతో సామ్ పాత పోస్టును డెలీట్ చేసి క్లైమాక్స్, ఫైట్ సీన్లకు పని చేయడం తనకెంతో ఆనందాన్నిచ్చిందంటూ మరో పోస్టు పెట్టాడు. దీంతో సుకుమార్ ఎవరి ఎక్కడ స్కోర్‌ను వాడాడు.. ఎవరికి ఏం చెప్పాడు.. అన్నది స్పష్టత లేకుండా ఉంది. రేప్పొద్దున సినిమా చూశాక కానీ ఈ సంగీత దర్శకులకు కూడా తమ వర్క్‌లో ఎంతమేర వాడుకున్నది క్లారిటీ రాదేమో చూడాలి మరి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

pushpa2

FARMANULLA SHAIK

04/12/2024 09:25 AM