సీక్వెల్ కోసం సినీ ప్రియులు ఎప్పటినుంచో ఎదురుచూస్తున్నారు. ఈ నేపథ్యంలోనే ' ఆదిత్య 369' సీక్వెల్ గా 'ఆదిత్య 999 మ్యాక్స్ ' ఉంటుందని ఇప్పటికే బాలకృష్ణ పలు సందర్భాల్లో తెలిపారు. తాజాగా ఆయన సీక్వెల్ విశేషాలు పంచుకున్నారు. ఆయన వ్యాఖ్యాతగా వ్యవహరిస్తోన్న ' అన్ స్టాపబుల్ సీజన్ 4' కార్యక్రమంలో దీని గురించి మాట్లాడారు. " ఆదిత్య 369కు సీక్వెల్ గా ' ఆదిత్య 999' రానుంది. మా అబ్బాయి మోక్షజ్ఞ తేజ హీరోగా యాక్ట్ చెయనున్నాడు.
ప్రస్తుతం దీనికి సంబంధించిన పనులు జరుగుతున్నాయి. త్వరలో ఇది పట్టాలెక్కనుంది. అన్ని కుదిరితే 2025లో విడుదల చేసే అవకాశం ఉంది" అని తెలిపారు. దీనికి సంబంధించిన ఎపిసోడ్ డిసెంబర్ 6 న ప్రసారం కానుంది. ఈ ఎపిసోడ్ ప్రారంభంలో ' ఆదిత్య 369' సినిమాకు సంబంధించిన గెటప్ లో బాలయ్య స్టేజ్ పై సందడి చేయనున్నారు. ఆ సినిమాతో పాటు సీక్వెల్ విశేషాలు కూడా పంచుకున్నారు. టైమ్ మిషన్, టైమ్ ట్రావెల్ నేపథ్యంలో ' ఆదిత్య 369' తలకెక్కింది. బాలకృష్ణ, మోహిని ప్రధాన పాత్రలో నటించారు. కథానాయకుడు భూతకాలం, భవిష్యత్తులోకి ప్రయాణిస్తే అతనికి ఎలాంటి పరిస్థితులు ఎదురయ్యాయన్న ఆలోచనతో దీనిని రూపొందించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి