దాదాపు మూడేళ్ల క్రితం సుకుమార్ దర్శకత్వంలో అల్లు అర్జున్ హీరోగా రష్మిక మందన్న హీరోయిన్గా ప్రేక్షకులు ముందుకు వచ్చిన పుష్ప సినిమా ఎంత పెద్ద విజయాన్ని సాధించిందో ప్రత్యేకంగా చెప్పాల్సిన పనిలేదు. ఇక ఈ సినిమా బాక్స్ ఆఫీస్ వద్ద వసూళ్ల సునామీ సృష్టించడంతో ఇండియన్ సినీ ప్రేక్షకులు అందరూ కూడా మరోసారి తెలుగు సినిమా వైపు చూశారు అని చెప్పాలి. ఈ క్రమంలోనే ఈ సినిమాతో పాన్ ఇండియా స్టార్ గా ఎదిగాడు అల్లు అర్జున్. ఇక ఈ మూవీ తర్వాత దీనికి కొనసాగింపుగా వచ్చిన పుష్ప సీక్వల్ మూవీ భారీ బడ్జెట్ తో తెరకేక్కింది. ఇక భారీ అంచనాల మధ్య డిసెంబర్ 5వ తేదీన ప్రపంచవ్యాప్తంగా విడుదలైంది అన్న విషయం తెలిసిందే.


 అయితే ఈ సినిమాలో అల్లు అర్జున్ హీరోఇజం ఎలివేషన్స్ సీన్స్ అయితే అభిమానులందరికీ కూడా గూస్ బంప్స్ తెప్పించే విధంగా ఉన్నాయి అని చెప్పాలి. అల్లు అర్జున్ను మును పెన్నడూ లేనివిధంగా సరికొత్తగా ఎలివేట్ చేసి చూపించాడు సుకుమార్  మరి ముఖ్యంగా గంగమ్మ జాతర సీన్ లో అల్లు అర్జున్ అమ్మ వారి గెటప్ వేసి విలయతాండవం చేయడం అయితే అభిమానులందరికీ కూడా రోమాలు నిక్కబడుచుకునేలా చేసింది. ఈ సీన్ వస్తున్న సమయంలో విజిల్స్ చప్పట్లతో థియేటర్లు దద్దరిల్లిపోతున్నాయి.



 అయితే ఇక అటు గంగమ్మ తల్లి జాతర సీక్వెన్స్ పుష్ప 2 సినిమాలో స్పెషల్ ఎట్రాక్షన్ గా ఉంది అంటూ అభిమానులు సోషల్ మీడియాలో కామెంట్లు చేస్తున్నారు. కానీ ఒక్కచోట మాత్రం ఈ జాతర సీక్వెన్స్ లేకుండానే పుష్పా సినిమా ప్రదర్శితమవుతూ ఉందట. ఈ విషయం తెలిసి అభిమానులు షాక్ అవుతున్నారు. సౌదీ అరేబియా సెన్సార్ బోర్డు పుష్ప 2 సినిమాకు షాక్ ఇచ్చింది. ఇందులో 19 నిమిషాల జాతర ఎపిసోడ్ను తొలగించినట్లు అక్కడి నేషనల్ మీడియా వెల్లడించింది. బన్నీ అమ్మ వారి గెటప్ హిందూ దేవతల గురించి ప్రస్తావించడం పై అభ్యంతరం వ్యక్తం చేసింది సౌదీ అరేబియా సెన్సార్ బోర్డు. దీంతో మూడు గంటల ఒక నిమిషం నిడివి తోనే అక్కడ చిత్రం ప్రదర్శితమవుతున్నట్లు పేర్కొంది. కాగా సింగం అగైన్ బుల్ బులయ్య త్రీ చిత్రాలను కూడా ఆ దేశ సెన్సార్ బోర్డు బ్యాన్ చేసింది అన్న విషయం తెలిసిందే.

మరింత సమాచారం తెలుసుకోండి: